د کربلا د دښتې د شهیدانو د اربعین تسلیت ومنئ
زما هدف د یذید د اسلامی ضد حکومت جوتول ، د امر به معروف او نهی از منکر ترسره کول او ظلم و ستم په وړاندې دریدا دې او د قران کریم له ملاتړ او د سوچه محمدی (ص) اسلام له ژوندی ساتلو پرته بل هدف نلرم .
نن د ۱۴۴۰ هجری قمری کال د صفرې شلمه نیټه ده چی د کربلا په دښته کې د شهیدانو د سردار حضرت امام حسین علیه سلام او د هغه حضرت د وفادارو یارانو د شهادت له څلویښتی سره برابره ده .
بیګا او نن درست اسلامی ایران د نړۍ د شیعیانو د دریم امام حضرت امام حسین علیه سلام او د هغوی د وفادارو یارانو د شهادت د اربعین په مناسبت په ویر او ماتم کې ډوب دې .
د اسلامی ایران ، پاکستان او افغانستان په شمول له درستې نړۍ په میلیونونو خلک په دغه ورځ د حسینی اربعین په عظیمو دستورو کې د ګډون لپاره د عراق په جنوب کې کربلا ښار ته ورځی . په دغو دستورو کې نه یوازې مسلمانان بلکې د نورو دینونو خلک هم ګډون کوی .
حضرت امام حسین علیه سلام او وفادار یاران یې د ۶۱ هجری قمری کال د محرم په لسمه نیټه په کربلا کې شهیدان شول .
حضرت امام حسین علیه سلام د کربلا د پیښې په بیانولو کې کربلا ته د مکې په لاره کی او تر خپل شهادته پورې په ډاګه ټینګار وکړ چی له حرکته زما هدف د یذید د اسلامی ضد حکومت جوتول ، د امر به معروف او نهی از منکر ترسره کول او ظلم و ستم په وړاندې دریدا دې او د قران کریم له ملاتړ او د سوچه محمدی (ص) اسلام له ژوندی ساتلو پرته بل هدف نلرم .
د اسلامی ایران په شمول دعراق ، پاکستان ، افغانستان ، لبنان ، ترکیې ، سوریې او نورو ډیرو هیوادونو خلک په جوماتونو او امام بارګاو کې د شهیدانو د سردار حضرت امام حسین علیه سلام او د کربلا د نورو شهیدانو د څلویښتی په مناسبت ځانګړی دستورې ترسره کوی او عزاداری دستې مرثیې او سینه زنۍ کوی او وینا وال هم د حضرت امام حسین علیه سلام او د کربلا د نورو شهیدانو په شخصیت او د کربلا د عظیمې حماسې په بیلا بیلو اړخونو رڼا اچوی .
د ایران په مشهد او قم سپیڅلیو ښارونو کې هم د ګڼ شمیر په دې مناسبت ځانګړی دستورې ترسره کوی .
.
