د عراق په شمال د ترکيې جنګي الوتکو بمبارۍ دوام لري

د ترکيې د دفاع وزارت بېګا په يوې بيانيه کښې د عراق په شمال کښې د قنديل په لوړو د ترکيې د جنګي الوتکو د حملې خبر ورکړ.

د العالم د رپوټ له مخې د ترکيې د  دفاع وزارت وويل، د دغه هېواد جنګي الوتکو د قنديل په لوړ کښې کښې د پي کے کے د ځواکونو د پټېدو په ځايونواو د وسلو په ګودامونو بمباري کړې ده.

د ترکيې جنګي الوتکو وړمه ورځ هم د عراق د شمال په آواشين، الزاب او هاکورک سيمو باندې بمبارۍ کړې وې.

ترکيې په دې وروستيو کلونو کښې د پي کے کے د ځپلو په بهانه په ځلونو د عراق په خاوره تېري کړي دي چې دغه تيري د عراق د حکومت او د نړۍ د نورو هېوادونو له سخت ردعمل سره مخامخ شويدي.