فرانسې، جرمني او بریطانیې برجامي بیانیه خپره کړه
فرانسې، جرمني او انګلستان وویل: د ایټمي موافقې په چوکاټ کښې د ایران د اقداماتو په هکله روان مسائل باید د برجام د لاسلیکونکو له خوا حل شي.
فرانسې، جرمني او بریطانیې بیګا د یوې خبرپاڼې په خپرولو سره څرګنده کړه: د ایټمي موافقې په چوکاټ کښې د خپلو ژمنو د کمولو په لړ کښې د ایران اقدامات باید د برجام د ګډ کمیشن د بیړنۍ غونډې په ترسره کیدو سره حل شي.
د برجام نومې ایټمي موافقې دغو دریو اروپايي غړو د خپلو برجامي ژمنو د کمي د بندولو او د هغوي د بیرته ستنولو لپاره له ایرانه په غوښتنې سره ادعا وکړه چې د یورانیمو د پخولو او د خپلو زیرمو د زیاتولو په لړ کښې د ایران اقدام اندیښمنونکی دی.
د ویلو ده چې اروپایانو ته د ایران د وړومبني شپیته ورځني فرصت په ختمیدو او د برجام موافقې په چوکاټ کښې د هغوي د ژمنو په نه پوره کیدو سره ایران د برجام د ۲۶ او ۳۶ بندونو په چوکاټ کښې د خپلو ایټمي ژمنو د کمولو دویم ګام اجرايي کړ او د یورانیمو د پخولو د کچې د لوړولو اعلان یې وکړ.
