دلیبیا الوتکو د خلیفه حفتر په اډې بمبار وکړ
-
خلیفه حفتر د روان میلادي کال د اپریل دمیاشتې په څلورمه (۴) نیټه خپلو عسکرو ته حکم ورکړ چې په پلازمینې طرابلس برید وکړي .
العالم ټیلی ویژن راپور ورکړ د لیبیا د ملی وفاق د حکومت جنګی الوتکو پرون د پلازمینې طرابلس په جنوب ختیځ کښې په الجفره(Jufra ) هوایی اډې چې د خلیفه حفتر په قومندنۍ د لیبیا دملی پوځ په نوم د ډلې په لاس کښې ده بمبارې وکړې .
د لیبیا د ملی وفاق حکومت وویل په دغه حملې کښې د ملی پوځ په نوم د ډلې یوه(۱) بار وړونکی الوتکه ویجاړه شوه او دبې پایلوټه الوتکو مرکز تباه شو .
د خلیفه حفتر په نوم د لیبیا د ملی پوځ په نوم ډلې چې کلونه کلونه د سعودی عربستان د مصر ، متحده عربی اماراتو او دځینو نورو لویدیځو هیوادونو په ملاتړ سره د لیبیا په ختیځ سلطه لری په تیرو څو میاشتو کښې د شمال په لور پرمختګ کړی دی .
خلیفه حفتر د روان میلادی کال د اپریل دمیاشتې په څلورمه (۴) نیټه خپلو عسکرو ته حکم ورکړ چې په پلازمینې طرابلس برید وکړی .
ددغه حملې له پیل راهسې تراوسه په طرابلس کښې څه دپاسه زر (۱۰۰۰)کسان وژل شوی او کابو پینځه زره (۵۰۰۰)نور ژوبل شوی هم دی .
لیبیا ددغه هیواد د خلکو د ۲۰۱۱ میلادي کال له انقلاب وروسته چې د پخوانی دیکتاتور معمر قذافی د حکومت دنسکوریدا سبب شو د امریکا ، د ځینو اروپایی او عربو هیوادونو په لاسوهنو سره له تاوتریخوالی او بې ثباتۍ سره مخ شوی ده .
