اروپا د ایران په کورنیو چارو کښې لاسوهنه وکړه
فارس خبری اژانس وایی د اروپایی اتحادیې د بهرنی سیاست د مسولې ویاندې مایا کوسیانچیچ پرون د امریکا په شان د ایران په کورنیو چارو کښې په لاسوهنې سره په هیواد کښې د بلواو ملاتړ وکړ .
هغې د ایران په کورنیو چارو کښې د ځینو لویدیځو هیوادونو د لاسوهنې په دوام کښې په یوې (۱) بیانیې کښې له بلواګرو سره د چلند د نه کولو غوښتنه وکړه .
د اروپایی اتحادیې د بهرنی سیاست د مشرې ویاندې مایا کوسیانچیچ د خپلو لاسوهونکو څرګندونو په دوام کښې د ایران چارواکو ته سپارښتنه وکړه چې ټولنیز او اقتصادی مشکلات باید د تاوتریخوالی له لارې نه بلکې د پراخ بنسټه خبرواترو له لارې حل کړی .
د ایران د بهرنیو چارو د وزارت ویاند عباس موسوی د اروپایی چارواکو په تیره بیا د اروپایی اتحادیې د خارجی سیاست د مشرې د ویاندې مایا کوسیانچیچ وروستۍ څرګندونې د ایران په کورنیو چارو کښې لاسوهنه وبلله او اروپایی هیوادونو ته یې سپارښتنه وکړه ښه خبره دا ده چې تاسو لومړۍ باید د خپلو هیوادونو په کورنیو مشکلاتو او ګډوډیو فکر وکړئ او د خپلو خلکو د پراخو خپګانونو درملنه وکړئ چې هره اونۍ په اروپا کښې په بیلابیلو ډولونو رامینځته کیږی .
