د کشمیر جامع مسجد پس له پنځو میاشتو دوباره پرانستل شو

بلآخره د هند تر کنټرول لاندې کشمیر د ځانګړو اختیاراتو له ختمیدو د پنځو میاشتو له تیریدو وروسته د سرینګر جامع مسجد بیرته خلاص شو.

د ایرنا د خبر له مخې د سرینګر د جامع مسجد په پرانستل کیدو سره په دغه تاریجي جومات کښې د جَمعې لمونځ وشه او موذنانو د ماسپښین د بانګ په ویلو سره خلک دغه جومات ته وروبلل.

له دې مخکښې د سرینګر د جامع جومات متولیانو ویلې وو، تر څو چې امنیتي ځواکونه د جومات خواوشا سیمې خالي نه کړي تر هغې به دغه جومات بند وي.