د حضرت فاطمةالزهرا(س)دشهادت کلیزه په پرتم سره لمانځل کیږي
د تهران ریډیو درست کارکونکي هم په دې مناسبت داهل بیت علیهم السلام درستو مینه والو په تیره بیا تاسو خوږو دوستانو ته دزړه له کومې تسلیّت وائي .
زمونږخبریال راپورراکړ د اسلام د ګران پيغمبر حضرت محمد مصطفی(ص) د زړه د ټوټې او د ولایت د ملاتړ لومړنۍ قرباني حضرت فاطمةالزهرا د شهادت د کلیزې په مناسبت په درست ایران کې په جوماتونو،زیارتونو او امامباړوکې ددغې پاکې بی بي د سیرت او ویر او ماتم د ستورې په نهایت پرتم سره لمانځل کیږي .
په دې مناسبت په زیاترو ښارونو کې د ویر او ماتم جلوسونه هم پرانیستل شوي او د اهل بیت علیهم السلام مینه وال ویر او ماتم کوي .
د حضرت امام رضا علیه السلام او د حضرت بي بي معصومه سلام ا.. علیها په پاکو حرمیّنو کې هم تر نن شپې پورې دستورې دوام لري .
راپورونه ښئ په پاکستان ، هندوستان ،افغانستان او دځينو نورو اسلامی اروپائي او افریقائي هیوادونو کې هم په دې مناسبت دستورې جوړې شوي او د اهل بیت علیهم السلام مینه والو د ولایت د مرستندوئې او پاکې بی بی د شهادت په مناسبت ویر او ماتم کوي .
د تهران ریډیو درست کارکونکي هم په دې مناسبت داهل بیت علیهم السلام درستو مینه والو په تیره بیا تاسو خوږو دوستانو ته دزړه له کومې تسلیّت وائي .
