د یمن پوځیانو د عربستان الوتکه وغورځوله
فارس خبري اژانس وايي د یمن د پوځ او د ولسي کمیټیو دافع هوا بیګا د سعودي عربستان د ائتلاف یوه (۱) جاسوسۍ الوتکه په نجران سیمه کښې نسکوره کړه .
د یمن پوځ او ولسي کمیټیو وویل دغه بې پایلوټه الوتکه یې د سعودي عربستان د نجران په« الصوح» سیمه کښې په ډزو ویشتلي او نسکوره کړي یې ده .
د یمن پوځ او ولسي کمیټیو په دغه هیواد باندې د سعودي عربستان د ائتلاف د یرغل له پیل راهسې تراوسه د عربستان او د هغه د متحدانو په لسګونو بې پایلوټه الوتکې نسکورې کړي دي .
د سعودي عربستان لخوا د یمن له هراړخیزه کلابندۍ سره سره د پوځ او د ولسي کمیټیو دفاعي قدرت ورځ تر بلې په زیاتیدا دی .
سعودي عربستان د امریکا د انګلستان د متحده عربي اماراتو، د اردن او د صهیونیسټ رژیم په ملاتړونو سره له۲۰۱۵ میلادي کال راهسې د یمن د خلکو پرضد حملو ، تیریو او بمباریو ته دوام ورکړی چې له کبله یې تراوسه څه د پاسه شپاړس زره (۱۶۰۰۰) کسان وژل شوي او په لسګونو زره نور ژوبل شوي او په میلیونونو نور کډوال شوي هم دي .
