ترکیه او لویدیځ هیوادونه د ټروریسټانو ملاتړي کوي
زمونږ خبریال راپور ورکړ د سوریې خارجه وزارت له ترهګرو ډلو په ملاتړ کښې د ترکیې او د لویدیځو هیوادونو په سیاستونو نیوکې سره ټینګار وکړ دمشق اجازه نه ورکوي اروپايي هیوادونه او د هغوې متحدان ټروریسټان د تل لپاره د سوریې په خلکو وروتپي .
د ترکیې عسکرو په تیرو څو وروځو کښې له ترهګرو د ملاتړ لپاره په ځلونو په ادلب ولایت کښې د سوریې د پوځ په مورچو او بیخ بنایانو حملې کړي دي .
د سوریې خارجه وزارت د ترکیې د چارواکو د پرون ورځې اقداماتو او څرګندونو ته په غبرګون کښې وویل هغه دروغجن تبلیغات چې ترکیې او لویدیځو هیوادونو په تیرو څو ورځو کښې د سوریې پرضد پیل کړي دي له ترهګرو ډلو د دغو هیوادونو ملاتړ ثابتوي .
د سوریې د بهرنیو چارو وزارت وویل له ترهګرۍ ملاتړ خپلو غیر اخلاقي او پستو هدفونو ته د رسیدا لپاره د ترکیې او د لویدیځو هیوادونو په سیاست کښې یوه (۱) ثابته شوي ستراتیژۍ ده .
د سوریې خارجه وزارت دغه راز په شمال کښې د حکومتي عسکرو بریالیو عملیاتو ته په اشارې سره ټینګار وکړ په دغو عملیاتو کښې د دمشق او د حلب او د حلب د نړیوال هوايي ډګر لاره پرانیستل شوه او حکومتي عسکر وتوانیدل په ادلب ، حماه او حلب ولایتونو کښې څه د پاسه یوسل دیرش (۱۳۰) کلي له ترهګرو ازاد کړي چې دغه ټول اقدامات د ترکیې او د لویدیځو هیوادونو د غوسه کیدا او د لیوني کیدا سبب شوي دي .
