امریکا اوس هم د سوریې ترهګرو ته وسلې استوي
د سوریې رسمي خبري اژانس سانا راپور ورکړ د سوریې د کډوالو د بیرته ستنیدا په چارو کښې د روسیې او د سوریې د غږملتیا مرکز وویل امریکا د کورونا وایروس له خپریدا سره د مقابلې په پلمه «الرکبان» کیمپ ته د مرستو د استولو په پوښښ کښې په سوریې کښې ترهګرو ته پوځي تجهیزات او وسلې استوي .
د سوریې د کډوالو د بیرته ستنیدا په چارو کښې د روسیې او د سوریې د غږملتیا مرز پرون وویل امریکا د بشر دوستانه مرستو په نوم ترهګرو ته د تجهیزاتو د استولو او دټرکونو د تیرولو په هدف سره په ملګروملتونو دباو اچوي .
دغه مرکز وویل سوریه پاکو شویو سیمو ته په الرکبان کیمپ کښې د ټولو موجودو کسانو د ستنولو کلکه اراده لري خو امریکا د ترهګرو ګوډاګیانو او د وسله والو ملیشا ډلو په وسیله چې په ډیرو انساني مرستو سلطه لري په کیمپ کښې د موجودو بندو شویو کسانو د بیرته ستنیدا په لاره کښې خنډونه جوړوي .
الرکبان کیمپ د سوریې په جنوب کښې التنف پوځي اډې ته چې د امریکا په نیواک کښې ده پروت دی .
امریکا تراوسه الرکبان کیمپ ته د سوریې د حکومت لخوا د بشر دوستانه مرستو د استولو او له دغه کیمپ څخه د کډوالو امن سیمو ته د استولو خنډ شوي ده .
