ټویټر اینټرنیټ پاڼې د ایران ځینې سایټونه تړلي
زمونږ خبریال وايي د ایران د اسلامي انقلاب د ستر لارښود حضرت ایت الله العظمی سید علي خامنه اي د اثارو د خپرولو او د ساتلو د دفتر د نړیوالو فعالیتونو په مخنیوي کښې د ټویټر اینټرنیټ پاڼې کارړنګونې هماغه راز دوام لري .
د امریکا ټویټر اینټرنیټ پاڼې د روان میلادي کال د مارچ د میاشتې په یودیرشمه (۳۱) نیټه خامنه اي ټکی ایي ار (khamenei.ir) اینټرنیټ پاڼې ته اړونده ټول سایټونه چې د نړۍ په بیلابیلو ژبو باندې ټولنیز فعالیتونه کوي وتړل .
د امریکا د ټویټر اینټرنیټ پاڼې دغه اقدام د بهرنیو رسنیو د فعالانو له غبرګون سره مخ شو او ټویټر شرکت څو ساعته وروسته د خامنه اي ټکی ايي ار د انګریزې او د فارسۍ ژبې سایټونه بیا خلاص کړل او په یوې (۱) بیانیې کښې یې ادعا وکړه د دغو اینټرنیټ سایټونو بندیدل په دغه شرکت کښې د یوې (۱) داخلي غلطۍ د رامینځته کیدا په دلیل وو او په همدې دلیل دغه سایټونه بیا خلاص شول .
د ټویټر اینټرنیټ پاڼې د دغه ادعا په اپوټه د څلورو (۴) ورځو له تیریدا وروسته اوس هم په عربۍ ، فرانسې او اردو ژبو د خامنه اي ټکی ايي ار سایټ پاڼې او دغه راز خامنه اي سلیش ویډیو اینټرنیټ پاڼې اوس هم تړل شوي دي .
له دې مخکې هم اینسټاګرام ، یوټیوب او فیسبوک اینټرنیټ پاڼو په ورته اقدام کښې په ځلونو د خامنه اي ټکی ايي ار اینټرنیټ سایټ پاڼې بندې کړي دي .
