په عربستان کې د پانسۍ سزا سیاسی وسله جوړه شوي
په تیرو مارچ اپریل میاشتو کې په عربستان کې ۳۷کسان پانسي شوي ، چې په هغو کې ۳۲شیعیان وو، چې له دوي څوارلس کسان په اعتراضونو کې د ګډون په دلیل په پانسۍ محکوم شوي وو .
این بی سی نیوز چینل راپور ورکړی ، دبخښنې نړیوالې ادارې دیوې اعلامیې په خپرولو سره په سعودي عربستان کې د دپانسۍ سزا، د خپلو مخالفانوپه تیره بیا د اهل تشیع په ضد د آل سعود رژيم یوه سیاسی وسله بللې ده .
په دغه راپور کې وئيل شوي دي ،په تیرو مارچ اپریل میاشتو کې په عربستان کې ۳۷کسان پانسي شوي ، چې په هغو کې ۳۲شیعیان وو، چې له دوي څوارلس کسان په اعتراضونو کې د ګډون په دلیل په پانسۍ محکوم شوي وو .
د بخښنې دنړیوالې ادارې په وروستۍ اعلامیې کې وئيل شوي دي ، په نړۍ کې د پانسیو له پنځه فی صدي کمیدا سره سره ،په ۲۰۱۵کال کې دملک سلمان بن عبدالعزیز واک ته د رسیدو له وخت راهسې په عربستان کې پانسۍ دوه بربره زیاتې شوي دي .
دبخښنې نړیوالې ادارې پخپل یوه وروستي ۵۹مخیز راپور کې وئیل شوي دي ، په سعودي عربستان کې د پانسۍ د موردونو احصائې په ۲۰۱۸کال کې یو سل نهه څلویښت موردونه وو ،چې دا شمیر په ۲۰۱۹کال کې یو سل څلور اتیا موردونو ته زیات شوی ، چې په تیرو لسو کلونو کې بې ساری ښودل شوی دی . په دغه راپو رکې وئیل شوي دي ، دپانسۍ سزا په سعودي عربستان کې دسیاسی او مذهبی مخالفانو په ضد په یوې سیاسی وسلې بدله شوي او ناوړه استفاده ترې کیږي .
