کورونا ویروس د امریکا ۳۰ میلیونه خلک بې روزګاره کړي
زمونږ خبریال وايي په امریکا کښې د کورونا ویروس له خپریدا وروسته تراوسه دیرش (۳۰) میلیونه خلک بې روزګاره شوي دي او هغوې د مفتو ډوډیو خوړلو ځایونو ته مخه کړي ده .
په امریکا کښې دغه راز ډیر خلک بې کوره شوي هم دي او هغوې په سړکونو او واټونو کښې ویده کیږي .
دغه راز په اروپايي هیوادونو کښې هم اوه اعشاریه څلور فیصده خلک بې روزګاره شوي دي او د ډوډۍ دخوړلو لپاره پیسې نلري .
بل خبر دا چې په انګلستان کښې به هره ورځ د کورونا وایروس د زرګونو کسانو ازموینې ترسره شي .
د انګلستان لومړي وزیر بوریس جانسن وویل په دغه هیواد کښې کورونا ویروس زیات خپور شوی او زه به د کاروبار د بندولو ستراتيژۍ راتلونکي اونۍ اعلان کړم .
دا په داسې حال کښې دي چې په انګلستان کښې د کورونا ویروس له کبله د خلکو مړینه زیاته شوي او په لومړي وزیر جانسن نیوکې هم ډيرې شوي دي .
په اسپانیا ، ایټالیا او نورو اروپايي هیوادونو کښې هم کورونا وایروس ډیر خلک وژلي او زیات شمیر کسان یې بې روزګاره کړي هم دي .
