کورونا ویروس د امریکا د ښاریزو وژلې ته دوام ورکړی
May 02, 2020 00:51 Asia/Kabul
زمونږ خبریال وايي کورونا ویروس د امریکا ۶۵۰۰۰ ښاریز ووژل .
د امریکا رسنیو بیګا وویل په دغه هیواد کښې په کورونا ویروس د ککړو کسانو شمیر یو میلیون او یولک نهویشت زره او شپیتو کسانو ته رسیدلی دی چې پینځه شپیته زره او اوه سوه څلرویشت ترې مړه شوي هم دي .
امریکا همدا اوس په کورنا ویروس د ککړو کسانو او د مړو کسانو له پلوه په نړۍ کښې په لومړي لمبر کښې ورغلي ده .
د امریکا په حکومت په تیره بیا ولسمشر ټرمپ باندې د کورونا ویروس د پراخیدا په وړاندې د بې مسولیتۍ په دلیل نیوکې زیاتې شوي دي .
د امریکا د روغتونونو ټولنې ویلي دي احتمال شته چې د هیواد شپږنوي (۹۶) میلیونه خلک په کورونا ویروس ککړ شي چې څلور لکه اتیا زره کسان به ترې مړه هم شي .
ټیګونه
