روسیې او چین د سوریې په هکله پریکړه لیک ویټو کړ
فارس خبري اژانس وايي روسیې او چین بیګا د سوریې د مرکزي حکومت له اجازې پرته دغ هیواد ته د بشر دوستانه مرستو د ورتلو په هکله د ملګروملتونو د امنیت شورات پریکړه لیک ویټو کړ .
روسیې او چین تر شپږو (۶) میاشتو پورې له دوو (۲) سرحدي لارو څخه سوریې ته د بشر دوستانه مرستو د ورتلو د اجازې په هکله د ملګروملتونو د امنیت شورا پریکړه لیک رد کړ .
دوه (۲) ورځې وړاندې هم روسیې او چین د ملګروملتونو د امنیت شورا پریکړه لیک چې پکښې د سوریې له مرکزي حکومت سره له غږملتیا پرته د بشر دوستانه مرستو د استولو د تمدیدا هڅه کوي ویټو کړی و .
دا دریم (۳) ځل دی چې روسیه او چین د سوریې د واکمنۍ خلاف ورزۍ کونکی پریکړه لیک ویټو کوي .
لویدیځ هیوادونه ډیره موده کیږی د دغه پریکړه لیک د تصویبولو لپاره د یوې (۱) لارې په لټولو پسې دي خو روسیه له دغه کار سره سخته مخالفه ده او ټینګار لري هر ډول اقدام باید د سوریې د حکومت په غږملتیا سره ترسره شي چې له ترهګرۍ سره په مبارزې کښې کوم خنډ رامینځته نشي .
