پمپئو د امریکې د تاریخ ترټولو بد خارجه وزیر دی

یوې امریکايي رسنۍ مایک پمپئو د دغه هیواد د تاریخ ترټولو بد خارجه وزیر بللی دی.

د سي، این، این خبري چینل مقاله لیکونکي ډیویډ میلر، مایک پمپئو د متعصبانه کړنلارې په وجه د متحده ایالاتو د تاریخ ترټولو بد د بهرنیو چارو وزیر ونوموه.

ډیویډ میلر باوري دی چې پمپئو د امریکې د بهرنیو چارو وزارت په سیاست ځپلې دی او اقدامات یې د خپلو شخصي مقاصدو او د قانون د حاکمیت او ځواب ورکونې په وړاندې د ډونلډ ټرمپ د ساتنې په لړ کښې دي.

د ویلو ده چې د امریکې د بهرنیو چارو وزیر د ډونلډ ټرمپ لخوا د چین او روسیې خلاف کمپین مخکښ دی.