ورځپاڼو ته کتنه ۲۱-۵-۹۹
ګرانو او قدرمنو دوستانو له نننيو ورځپاڼو سره ستاسو په خدمت کښې يوو.
وړومبې هم جمهوري اسلامي ورځپاڼه رااخلو چې په خپله نننۍ ګڼه کښې يې د ايران د اسلامي جمهوريت د ولسمشر له قوله وليکل: د ايران د ټولو قواو په ملګرتيا سره د دښمنانو دسيسې شنډيږي.
د اسلامی ایران ولسمشر ډاکټر حسن روحاني پرون مازیګر د ایران د دريو واړو قواؤ د مشرانو په شتون سره د اقتصادي چارو د غږملونکي لوړې شورا په غونډه کښې د دښمنانو له دسیسې او بندیزونو سره دمقابلې او د ولس دمعیشت او اقتصادي مشکلاتو د حل لپاره د دريو واړو قواؤ پیوستون او انسجام د ساتلو ضرورت ته په اشارې سره تاکيد وکړ ، حکومت د نورو قواؤ په ملګرتیا سره د خلقو په اقتصاد ښې د نوو لارو چارو په پرانېستو پسې دے .
--------
د تهران چاپ کېهاه ورځپاڼې د اسلامي ايران د خارجه وزير په حوالې سره وليکل: په نړۍ د لویدیځ د سلطې مرحله ختمه شوې ده.
د اسلامی ایران خارجه وزیر محمد جواد ظریف بیګا د ټولنیز چینل انسټاګرام له لارې د :نړۍ د حالاتو د بدلیدو: په عنوان سره د غونډو د لړۍ په دوام کښې پخپلو ژوندیو څرګندونو کښې د دې خبرې په کولو سره چې تر وروستیو وختونو پورې ، هر هغه څه چې په نړیوال ډګر کښې يې اهمیّت لرۀ،یا په لویدیځي جغرافیا کښې او یا د هغوي په سیاسی حوزې کښې رامېنځةکیدل ، وئیلي دي ، دغه انحصار د کمیدو په حال کې دے او دلیل يې د نړیوالو فرصتونو او چیلنجونو پشمول نړیوال بدلونونه دي .
جواد ظریف روښانه کړه ،لویدیځ په خپل سر له نړیوالو چیلنجونو سره د مخامخیدو توانمنۍ نه لري او همدا رنګ په خپل سر د خپل ټولنیز ژواک چاپیریال ، امنیت او ا انسجام نه ساتلې او نه هم تامینولې شي .
----------
د تهران چاپ يوې بلې اطلاعات ورځپاڼې په خپل يو خبر کښې د ايران د اسلامي جمهوريت د خارجه وزارت د وياند په نقل سره وليکل:
امریکایان دامنیت شورا له لاروچارو ناسمه استفاده کوي. د اسلامی ایران د خارجه وزارت ویاند عباس موسوي پرون په يوې خبري ناستې کښې د ایران داسلامی جمهوریت په خلاف د وسلو دبندیزونو د تمدیدولو لپاره د امریکې هڅو ته په اشارې سره وويل ، امریکایان د ملګروملتو د امنیت شورا له لارو چارو او کړنو ناوړه استفاده کوي .
عباس موسوي د امنيت د شورا د نن ورځې په غونډه ک د ایران په خلاف د وسلو د بندیزونو د تمدیدولو په باب د امریکې د پریکړ لیک د نوې مسودې مطرح کیدو په باب زیاته کړه، دغه اقدام له دې مخکې چې د ایران په خلاف وي ، د ملګروملتو د امنیت شورا او نړیوالو لارو چارو په خلاف دے.
ورځپاڼې همدارنګ وليکل: روسيې د ایران په وړاندې منفي ډيپلومېسي د امریکائی چارواکو لالهاندي وبلله.
په ویانا کښې په نړیوالو اورګانونو کښې د روسیې دائمي استازي میخائیل اولیانف پخپل ټولنیز پیغام کښې د ایران په وړاندې د امریکې دخارجه وزیر مایک پومپئو په ادعا باندې په نیوکو سره لیکلی دي ،د ایران په خلاف د زیاتره دباؤ سیاست له ډيپلومېسۍ سره هیڅ ا رتباط نه لري .
اولیانف همدارنګ د ایران په خلاف د وسلو د بندیزونو د تمدیدیدو په باب د فارس خلیج د ملګرتیا شورا په غوښتنې د امریکې د خارجه وزیر خوشالیدل بې ارزښته خبره بللې او وئيلي يې دي ،باید له نړیوالو مقرراتو او اصولو لرې هیڅ یوې خبرې ته اهمیّت ورنکړې شي .
-----------
او د تهران يوې بلې ورځپاڼې ايران بيا وليکل: د چين د خارجه وزرات د وياند له قوله وليکل: د چین او ایران په خلاف د امریکې په انتخاباتو کښې د لاسوهنې خبره ملنډه ده.
د چین د بهرنیو چارو وزارت ویاند جاؤ لی جیان د امریکې د ولسمشرۍ په راتلونکو انتخاباتو کښې د لاسوهنې په باب د چین ،روسیې او ايران په خلاف دامریکا تورونه رد کړل او دا يې یوازې یوه ملنډه بللې او وئيلي ئې دي ، دغه انتخابات د دوي یوه داخلی موضوع ده او بیجینګ او نور به هیڅکله هم پکې ګوتې ونه وهي .
-------------
اوس به د پاکستان چاپ ورځپاڼو ته لاس کړوو چې په سر کښې هم جنګ ورځپاڼه رااخلو، دغې ورځپاڼې په خپله نننۍ ګڼه کښې د دغه هېواد د وزيراعظم عمران خان له قوله وليکل: پکار دي ملګري ملتونه د هند تر کنټرول لاندې کشمير کښې د حالاتو سختوالي ته په پام سره خپل کردار ادا کړي. هغه زياته کړه د کشمېر دغه کشاله له اوو لسيزو راهسې د امنيت د شورا په اېجنډا کښې شامله او پرته ده چې ورته د خاصې توجه ضرورت دے.
ورځپانې همدارنګ د دغه هېواد د خارجه وزير شاه محمود قرېشي له قوله وليکل: د هند تر کنټرول لاندې کشمير کښې په نفوسو کښې په بدلون پاکستان سخت تشويش لري. هغه وويل په د کشمير د مسئلې له هوارېدو نه بغېر په سيمه کښې پائېدارا امنيت نه شي راتلې.
د اسلام آباد چاپ دنيا ورځپاڼې بيا وليکل: له افغانستان پولې سره نزدې د پاکستان په چمن سيمه کښې د بم چاودنې له امله شپږ تنه ووژل شول او اولس نور ژوبل شول. د بلوچستان صوبې د پولیسو سرچینو وئیلی دي،نامعلومو ترهه ګرو په موټر سائيکل کې بم اېښودلی ؤ دا بم هاله وچاودۀ،چې له دغه ځایه د اینټي نارکاټیکس فورس ګاډی تیریدۀ،چې دغه مرګ ژوبله يې اړولې ده .
ورځپاڼې په يو بل خبر کښې وليکل: د طالب ډلې او افغان حکومت ترمېنځ د صلحې خبرې اترې د روان اګست د مياشتې له شپاړسمې څخه شروع کيږي. چې د دې غرض لپاره د افغان حکومت لخوا يو مذاکراتي ټيم د معصوم ستانکزي په مشرۍ سبا د قطر دوحې ته روانيږي.
د ورځپاڼې د رپوټ له مخې افغان ولسمشر د طالب ډلې د څلور سوو پاتې بنديانو د آزادولو حکم لاسليک کړ چې له دې وروسته طالب ډلې له افغان حکومت سره نېغ په نېغ د صلحې خبرو اترو ته چمتووالی وښود.
----------
او اوس ځينې نورې بهرنۍ ورځپاڼې رااخلوو چې په سر کښې فارن پالیسي ورځپاڼه ليکي:
د افغانستان ښځې باید د دغه هېواد د سولې بهیر په مرکز کې وي، دا د فارن پالیسي د یوه مطلب سرلیک دی.
لیکوال ویلي، افغانستان راتلونکې کې یوازې د هغو کسانو مشارکت ته اړتیا نه لري چې وسلې لري، بلکې د نورو افرادو ګډون ته هم اړتیا لري.
مطلب کې راغلي، د سولې بهیر کې د ښځو ونډه ګټوره ده او دا ونډه پخوا د فلیپین، لایبریا او شمالي ایرلنډ د سولې بهیرونو کې تجربه شوې.
د مطلب په دوام راغلي، که د سولې بهیر کې ښځې معنا داره رول ولري، دا د دې ښکارندويي کوي چې پایله به تر ډېره حده بریالۍ او تل پاتې وي.
ځینې مېرمنې بیا اندېښمنې دي چې ممکن د سولې په خبرو کې به د دوی د تېرو ۱۹ کلونو لاسته راوړنې له خطر سره مخامخ شي.
ورځپاڼه ليکي اوس د ټولو هيلې بین الافغاني خبرو ته دي، هغه خبرې چې ټاکل شوې نژدې ورځو کې د قطر پلازمېنه دوحه کې پيل شي.
-----
ډېپلوميټ بيا په یو مطلب کې افغانستان کې د بهرنیو جنګیالیو حضور ته کتنه کړې. او ليکي:
، طالبان په افغانستان کې د بهرنیو جنګیالیو حضور ردوي، خو پوښتنه شوې چې ایا دا ادعا سمه ده؟
په دې وروستیو کې د ملګرو ملتونو امنیت شورا په یوه راپور کې وویل، افغانستان کې د القاعده سلګونه جنګیالي له طالبانو سره اړیکه لري، خو طالبانو هغه راپور رد کړ.
د مطلب لیکوال په دې باور دی چې په افغانستان کې د بهرنیو جنګیالیو ستونزه باید هواره شي، هغه که په ښکاره یا د پردې تر شا وي چې د لیکوال په ټکو تاریخ بیا تکرار نه شي.
د ېپلومېټ د ليکنې مطابق څو ورځې وړاندې د امریکا د دفاع وزیر مارک اسپر فاکس نیوز ته وویل، د نومبر تر پایه به افغانستان کې د دوی د ځواکونو شمېر له پنځو زرو ټیټې کچې ته راشي.
نوموړي دا شرط وړاندې کړ چې د ځواکونو وتل به وضعیت ته په کتو کېږي.
---------
