په ملګرو ملتو کښې د ایران دائمي استازی:
امریکا باید له سوریې ووځي
په ملګرو ملتو کښې د ایران دائمي استازي د سوریې د نښتې یوازنۍ حل لاره د نړیوالو حقوقو مطابق صلحه ایزه طریقه وبلله او ویې ویل: امریکايي ځواکونه چې د سوریې یوه برخه یې نیولې ده، باید له دغه هیواده ووځي.
په ملګرو ملتو کښې د ایران دائمي استازي د سوریې د نښتې یوازنۍ حل لاره د نړیوالو حقوقو مطابق صلحه ایزه طریقه وبلله او ویې ویل: امریکايي ځواکونه چې د سوریې یوه برخه یې نیولې ده، باید له دغه هیواده ووځي.
مجید تخت روانچي پرون د امنیت شورا په هغې غونډې کښې چې د سوریې په هکله ترسره شوه، زیاته کړه: دغه کړکیچ د سوریې د بشپړې واکمنۍ، وحدت او ځمکنۍ بشپړتیا له ضمانت ورکولو پرته نه شي ختمیدې.
هغه وویل: نه د سوریې خلک د خپلې خاورې د نیواک او د خپل هیواد د حاکمیت خلاف ورزي مني او نه یې نړیواله ټولنه باید ومني ځکه چې دا کار د نړیوالو حقوقو د بنیادي اصولو خلاف دي.
په ملګرو ملتو کښې د ایران استازي د هغو ټولو ځواکونو د سمدستي وتلو غوښتنه وکه چې د دمشق د حکومت له اجازې پرته په سوریه کښې موجود دي، په تیره بیا امریکايي ځواکونه چې د سوریې د خاورې ځینې برخې یې هم لاندې کړې دي.
هغه هم داشان د سوریې او عراق په ګډه پوله کښې د امریکې وروستۍ غیرقانوني حمله وغندله او ویې ویل: دا ډول غیرقانوني اقدامات د سیمې کړکیچن حالت لاخرابوي او باید بند شي.
هغه په سوریې باندې د اسرائیلو غیرقانوني بریدونه هم وغندل او زیاته یې کړه: نړیواله ټولنه دې اسرائیل د هغه د پوځي بلاغوښتنو ختمولو ته اړباسي.
