لوبیا د انسان د بدن لپاره زیاتې ګټې لري

لوبیا د نړۍ په سطحه پیژندل شوې خوراکي دانې دي چې تقریباد هر انسان د خوښې وړ خوراک دی.

د لوبیا دانه په ۱۵۳۳ کال کې په  مکسیکو هیواد کې پیدا او د «ایاکوک» په نوم ونومول شوه چې وروسته اروپا ته او بیا د نړۍ ټولو برخو ته ورسیده. لوبیا په خپل ترکیب کې ۲۲ سلنه پروتین لري او ۶۲ سلنه د (کربوهیدرات) په نامه نشاسته قند لري.

پر دې سربیره لوبیا ۲ سلنه کلسیم هم له ځانه سره لري.

 ساینسپوهان وایي د ډیرو پروټینو له امله دا یوه قوي ترینه غذا ده او د بیوزله کورنیو لپاره د غوښې ځای نیسي.

 په تازه لوبیا کې ګڼ شمیر ویټامینونه شتون لري چې له ډلې یې ویټامین بي، ویټامین  سي او ویټامین ډي د یادولو دي.

 لوبیا د روماټیزم، د وینې  د لوړ فشار او نورو ناروغیو لپاره مفید خوراک دی .

 خو که څوک په شکرې ناروغۍ اخته وي د لوبیا له خوړلو  دې ډډه وکړي .

هغه کسان چې چاغ وي یا یې وزن زیات وي باید لوبیا استعمال کړي ځکه چې لوبیا دانسان د وزن په کمولو کښې مرسته کوي .

د  روغتیا چارو  پوهان وایي هره ورځ خوړو کې د لوبیا په شاملولو سره دانسان د بدن اضافي چربي ختمیدلای شي.