د بندیزونو بشپړه ختمول د اټومي خبرو د بریالیتوب رمز دی
شین هوا خبري اژانس وايي ملګروملتونو کښې د چین دائمي استازي او سفیر وویل د ټولو بایکاټونو لغو کول د ایران د اټومي موافقې د ژوندي کیدا لپاره د اوسنیو خبرو اترو د بریالیتوب رمز دی .
وانګ چون دغه څرګندونې پرون د چین د فرانسې د جرمني د روسیې د انګلستان او د ایران په ګډون سره د اروپايي اتحادیې د خارجي اقدام د سرویس د سیاسي چارو د مدیر او د مشر د مرستیال انریکه مورا په مشرۍ د اټومي تړون د ګډ کمیسیون په وروستۍ غونډې کښې له ګډون کولو وروسته وکړې .
په ملګروملتونو کښې د چین دائمي استازي او سفیر وانګ چون زیاته کړه پییکینګ اټومي تړون ته د امریکا د ستنیدا لپاره د اټومي چارو او د بندیزونو د ختمولو د دوو (۲)کاري ډلو له لارې د اټومي تړون د ګډ کمیسیون د کوټلیو خبرو اترو او د دغه تړون په کامل او اغیز شیندونکي ډول د اجرا کیدا هرکلی کوي .
له دې مخکې هم چین اټومي تړون ته د امریکا بیرته ورستنیدل د سیمې د کړکیچ د حل یوازنۍ لاره بللي وه چې د واشنګټن دغه اقدام د سیمې له ثبات او امنیت سره مرسته کوي .
د امریکا پخوانی ولسمشر ډونالډ ټرمپ د دوه زره اتلسم (۲۰۱۸) میلادي کال د مي په اتلسمه (۱۸)نیټه په یواړخیزه او غیر قانوني ډول له اټومي تړون ووت او د ایران پرضد یې اټومي بندیزونه له سره پیل کړل .
د ټرمپ دغه اقدام له پراخو نړیوالو او کورنیو نیوکو او غندنو سره مخ شوی و .
