ایران په تیرې اونۍ کې

د تهران د پښتو خپرونې انټرنیټي پاڼې خوږو مینه والو په دې شیبو کې ایران د اونۍ په هینداره کې نومې اونیز پروګرام سره ستاسو په خدمت کې یوو ، په پيل کې هم درته په ایران کې په تیرې اونۍ کې ځينو مهمو پيښو ته یوه ځغلنده کتنه کوو او ورپسې مو هم د تحلیلي برخې ته رابولوو . نو ترپایه راسره ملتیا وکړئ .

*/*/*/*/*/  په ایران کې د اسلامی او انساني حقوقو د اونۍ لمانځل */*/*/ اسلامی  او بشری حقوق  او د اسلامی انقلاب معظم لارښود لیدتوګه */*/*/*/*   او  له بشري حقوقو څخه د استعماري کړیو ناوړه  او آوزاري استفاده په تیرې اونۍ کې ځيني مهم پيښې وې  چې اوس مو هم رابولو په دې اړه د تحلیلي برخې آوریدو ته .*/*/*/*////*/*/**/*//*/*/

************************

=     دوستانو  تیره اونۍ  د  انساني کرامت او  اسلامی بشري حقوقو د له اونۍ سره برابره وه .د ۲۰۰۸کال د اګست په پنځمه نیټه د  اسلامی کنفرانس  موسیسې له خوا د  انساني کرامت  او اسلامی بشري حقوقو د ورځې په توګه د اسلامینړۍد ورځې د ټاکلو په باب د ایران د اسلامی جمهوریت وړاندیز تصویب شو.دغه ورځ ،د۱۹۹۰کال د اګست په پنځمه نیټهد اسلام له نظره دبشري حقوقو د اعلامیې د تصویبیدا یادونه کوي. 

  اسلامی هیوادونه په دغې ورځېد لومړي ځل لپاره توانیدلي دي ، د یوه ورته  سند په چوکاټ کې  داوسمهاله  نړیوالو حقوقو،د انسانانو د حقوقو په زمینې کې د اسلامی لیدتوګو او په دې باب د اسلامی حکومتونو دژمنتیاؤ د سندونو په چوکاټ کې  په حقوقي ماهیّت سره یوه اعلامیه یا بیانیه  تصویب کړي .

 بشري حقوقو ته کتنه ،باید  له د ین  اوملیَت  او توکمه  لیرې ، د انساني ارزښتونو  بیانونکي او  له هرډول سیاسی ملاحظاتو  پرته وي . خو  بشري څقوق  د لویدیځ په دوه ګوڼو اقداماتو سره ،  د سیاسي لوبو ښکار  شوي دي. دغه بهیر  په دې زمینې کې د حقیقي  غوښتنو او دبشري حقوقو  په باب د نړیوالې ټولنې  د تمو په  اپوټه دی .

 د اسلامی بشري حقوقو او د انساني کرامت ورځ ، په حقیقت کې ، د بشري حقوقو په موضوع کې دانساني کرامت او عدالت  او دانساني ارزښتونو په اساس د همفکرۍ لپاره یو فرصت دی .

           له بده مرغه د بشری حقوقو په موضوع کې د لویدیځ له خوا ډيرې لیدتوګې لري . حتی ددغو هیوادونو په داخل کې ډیری خلک  له توکمپالنې ، فساد او بې عدالتیو  کړیږي  ا و  ورځ  تربلې د دوي چغې لاپسې زیاتیږي .

 د اسلامی انقلاب معظم لارښود حضرت آیت ا... العظمي سید علی خامنه اي، په یولړ څرګندونو کې  د بشري حقوقو  د تر ټولو ستر خلاف ورزي کونکي هیواد په توګه  دامریکا په معرفي کولو سره  روښانه کړې ده،هغه کسان چې د دوي په ټنډې  په عراق او افغانستان او  نورو ځایونو کې  د هستوګنو سیمو د بمبارولو  او دګوانتانامو اوابو غریب  دبندونو په څير د کرغیړنو  کارونو او جنایتونو د بې ننګۍ داغ وي ، نو باید د بشري حقوقو  ادعا ونه کړي او حق نه لري  د بشري حقوقو  نامه پر خوله راوړي،ځکه چې دوي پخپله د بشري  حقوقو د خلاف ورزیو بیلګه دي .

 بشري حقوق  په یوې ټولنې د شخصي نظرونو په اساس او په یواړخیز ډول نشي تپل کیدلی ،بلکې  هر دین او کلتور،د تعلیماتو،ټولنیزو او کلتوري جوړښتونو،دین او مذهب په اساس بشري حقوق  تعریف کوي .او د هغې ټولنې پرګنې او خلک هم  ورځيني پيروي  کوي .

 د بشري حقوقو اسلامی اعلامیه  روښانه کوي ،د اسلامي شریَعت په اساس، بشري حقوق ،د انسان د ذاتي  ارزښت او کرامت له امله دي ا و اسلامی امت چې  خداوندمتعال،یو ترټولو ښه امت ګرځولی دی،یو نړیوال رسالت لري  او که څه هم بشریّت  په مادي علومو او سائنس کې دپرمختګونو مرحلې کچ  کړي دی،خو  د خپلو حقوقو او تمدن  څخه دملاتړ لپاره  ایمان او معنویّت ته ډيره اړتیا لري .

         د اسلامی انقلاب معظم لارښود، د حج د شپو ورځو په مناسبت د خپل پیغام په یوې برخې کې  د امریکا دبشري  ضد  چلند د  موخو اواړخونو په بیانولو  سره روښانه کړې ده؛ له کمزورو ملتونو سره د امریکا چلند، د هغه پولیس مین  د چلند یوه هغه  ستره شوي قضیه ده چې  خپل ځَنګون( پښه)  د یوه بې دفاع تورپوستي په  مرۍ کیږدي  او  دومره ورباندې زور  اچوي ، څو  هغه  خپله سا له لاسه ورکړي .

  په افغانستان، عراق او یمن کې د  جنګ جګړو او وینې بهیدا  د کلونو بوږنونکو حالاتو ته کتنه  او دغه راز  په فلسطین او یمن  کې د امریکا په ملاتړ سره د ماشوم وژونکو رژيمونو تیرو او هغو ظلمونو ته یو نظر ، چې پر  دغو ملتونو د امریکا له خوا کیږي ،د نړیوال سلطه ګر نظام په وسیله د بشري حقوقو دپراخو خلاف ورزیو  روښانه مصداق دی .

 نن سبا د امریکا خلک  هم  په یوه ژورې جبۍ کې  ګیر او ډوب شوي دي او د سپینې ماڼۍ  د  مشرانو د بشري ضد  چلندونو رسوائۍ، د امریکا د درستو ایالتونو په واټونو کې  دخلکو  په اعتراضیه چغو کې تر غوږو  کیږي . له همدې امله ده چې  د اسلامی انقلاب معظم لارښود حضرت آیت ا... العظمي سید علی خامنه اي  ټينګار کړی ، دامریکا په اوسنیو پیښو  کې  او په  هغو کې د توکمپالنې په ضد خوځښت په غورځنګ کې  دمونږ غوڅ دریځ ، د ولس پلویتوب او ددغه هیواد دتوکمپال حکومت دځيږ اوکرغیړن چلند محکومول دي .

        د ایران دا سلامی جمهوریت  داطلاعاتو وزارت    د تیرې شنبې په ورځې  د یوې  خبرتیا په اعلانولو سره وئیلي دي ،د تُندر ترهه ګرې ډلګۍ  سرغنه  جمشید شارمهد چې له امریکاڅخه ئې  په ایران کې  د ورانکارۍ او وسلوالو عملیاتو لارښونه کوله ، د ایران د اسلامی جمهوریت د  امنیتي ځواک  په یولړ پیچلو عملیاتو کې وینول شو .

دغې ترهه ګرې ډلګۍ  په مستقیم ډول  په ایران کې  د څو ترهه ګرو عملیاتو  مسئولیّت   په غاړه اخستی دی .

دغې ډلګۍ  په ۲۰۰۸کال کې  د ایران د جنوب فارس ولایت د مرکز  شیراز  په سید الشهدا امامباړې کې  د چادونې عملیات  پلان او اجرا کړي چې  په  هغه ترهه ګراقدام کې  څوارلس حسیني عزادار شهیدان او  کابو دوه سوه پنځلس نور ټپیان شوي وو .

تُندر ترهه ګره ډلګۍ د لویدیځي   اطلاعاتي  او جاسوسي ا دارو په وسیله په ترسره شوو پلانونو او پروګرامونو کې  د تهران  د کتاب په نړیوال نندارتون کې د کیمییائي او میکروبي ترهه ګرو عملیاتو  او  په رشت کې د روسیې په کونسلګرۍ کې  د ترهه ګرو عملیاتو په ترسره کولو پسې  هم وه،خو  د امنیتی ځواک په هوښیارۍ او ځیرتیا سره  بریالۍ نه شوه . ددغې ترهه ګرې ډلګۍ په نورو  ترهه ګر اقداماتو کې  په ګناوه بندرګاه کې  دتیلو د پایپ لاین او زیرمې د الوزولو ،دحضرت بې بې معصوه سلام ا.. علیها په حرم کې دبم چاودنې ، او همداراز د ایران په اسلامی شورا  ودانۍ کې د بم کیښودلو  اقداماتو  ته اشاره کولی شو چې  دغه پلانونه  هم   ناکام  شوي  او نیمګړي پاتې شوي دي .  اوس د تُندر  ترهه ګرې ډلګۍ سرغنه  د ایران د امنیتی  اواطلاعاتي  ما مورانو په منګولو  کې ګیر شوی دی . په دغې نیونې سره  نه یوازې  د  اسلامی جمهوری نظام  د مخالفو او غولیدلو او  د ترهه ګرو ډلګیوپر پاتې  جنایتکارو یو سخت ګوزار شوی ، بلکې  دامریکا هغه نوره نقشې چې  په نیابتي توګه ترهه ګرو ډلګیو ته سپارل کیږي ، شنډې شوي دي .

             امریکا  هغو کسانو او  پيژندل شوو ترهه ګرو ته چې  دایران په داخل کې ئې د زیاتو ترهه ګرو عملیاتو  مسئولیّتونه په غاړه اخستي دي ، پخپلې خاورې کې ځاي ورکړی دی  او له دوي په بیلابیلو  شکلونو او بڼو کې بشپړ ملاتړ کوي . د تُندر  په څير  ترهه ګرې ډلګۍ  ، دایران د اسلامی جمهوریت  په ضد  له ترهه ګرو  د استفادې لپاره د امریکاد استخباراتي ادارې  د پروژو یوازې یوه برخه ده . په حقیقت کې امریکا هر هغه کس او ډله چې  د ایران د امنیت په ضد د ورانکارۍ او ترور توان ولري ، بشپړ ملاتړ کوي .

تُندر ترهه ګره ډلګۍ په ۱۳۸۳لمریز کال کې په  فرودفولادوند مشهور فتح ا..منوچهري  په نامې سره یو ه کس جوړه کړې اوهغه خپله موخه  په یوه کال کې  د اسلامی جهوري نظام د نسکورولو لپاره ددغې ډلګۍ  جوړیدا اعلان کړې وه .

امریکائي چارواکي  له ترهه ګرۍ سره  د تش په نامه مبارزې  د سیاست په چوکاټ کې تل  د واقعیّتونو په تحریفولو پسې دي  او  په دوکه ورکونکو څرګندونو سره ،  له ترهه ګرۍ په ملاتړ او  د سیمې په ناکراره کولو د ایران په تورنولو سره هڅه کوي،په سیمې او نړۍ کې د امریکا د رول مثبت  اړخ انځور کړي،په داسې حال کې چې د امریکا د رول حقیقي ماهیّت ،د القاعدې ډلې  په جوړولو او له داعشي جنایتکارې ډلې څخه په ملاتړ سره د ترهه ګرۍ او ناکرارۍ رامینځةکول دي .امریکا  همداراز په یولړ ترهه ګرو اقداماتو کې  د ۲۰۲۰کال  د جنورۍ په دریمه نیټه د ډونالډټرمپ  په مستقیم فرمان سره  په یوه څرګند جنایت کې،د  ایران د اسلامی جمهوریت د سپاه پاسدارانو د  قدس ځواک د وخت قوماندان جنرال قاسم سلیماني چې د عراقي چارواکو په رسمي بلنې سره ئې دغه هیواد ته سفر کړی ؤ،سره د  عراق د الحشد الشعبي ولسی مبارز ځواک د مرستیال ابومهدي المهندس  او  اتو نورو ملګرو، د بغداد له هوائي ډګر سره نزدې  په یوې  حکومتي ترهه ګرې حملې کې  شهید کړ .  دغو پیښو ښودلې چې  د ایران ملت   له سختو آزموینو اوشپو ورځو  په صبر او  مقاومت سره  تیر شوی دی ،  خو هغه څه چې  ددغو پيښو په مینځو میان کې  تل  مهم او ټاکونکي دي ، د مشکلاتو په  وړاندې  نه تسلیمیدا ده .

************************

= خوږو دوستانو   ایران د اونۍ په هینداره کې نومې د اونیز پروګرام وخت هم همدومره ؤ نو تر بلې اونۍ پورې له تاسو اجازت او نیکمرغه  او سوکاله ژوند درته غواړو .

(سیماب)

***********************************************