Nga marrëdhëniet Teheran-Bagdad përfitojnë të gjitha shtetet e rajonit

Ministri i Jashtëm iranian Muhamed Xhavad Zarif dhe Presidenti i Irakut Barham Saleh theksuan marrëdhëniet e thella Iran-Irak nga të cilat përfitojnë të gjitha shtetet e rajonit.

Zarif u takua të Hënën në Bagdad me Presidentin irakian Barham Saleh për të diskutuar çështje bilaterale, rajonale dhe ndërkombëtare. Zyra e Presidentit Irakian publikoi një deklaratë duke thënë se Barham Saleh dhe Muhamed Xhavad Zarif konsideruan marrëdhëniet e rrënjosura thellë midis dy shteteve, si dhe të përbashkëtat e forta sociale, fetare, kulturore dhe gjeografike midis dy kombeve, duke theksuar se marrëdhëniet Teheran-Bagdad janë në interes të dy vendeve dhe të gjithë rajonit. Të dy palët theksuan rëndësinë e zhvillimit të bashkëpunimit dypalësh dhe zbatimin e marrëveshjeve të nënshkruara në sektorë të ndryshëm, sipas deklaratës. Barham Saleh tha se politika që Iraku ndjek ndaj vendeve të rajonit dhe botës synon të ndërtojë marrëdhënie të ekuilibruara brenda kornizës së mbështetjes së përpjekjeve për të ulur tensionet dhe krizat në rajon. Ai shtoi se Iraku mund të ketë një rol kryesor në forcimin e stabilitetit, sigurisë, ekonomisë, mbrojtjes së mjedisit dhe mundësive të ndërsjella të zhvillimit nga të cilat do të përfitonin të gjitha vendet dhe kombet në rajon. Zarif theksoi se Republika Islamike e Iranit mbështet stabilitetin dhe sovranitetin e Irakut dhe mirëpret zhvillimin e veçantë të marrëdhënieve midis dy vendeve. Duke falënderuar Irakun për përgatitjen e bazave për bisedime në rajon, ai shpresoi se bisedimet do të çonin në më shumë dialog dhe mirëkuptim të ndërsjellë.