Gjiri Persik: Vjen përgjigja iraniane
Sipas agjencisë së lajmeve Fars News, që raporton nga qyteti Bandar Abas, Irani ka kapur dy cisterna nafte që i përkasin Greqisë në Gjirin Persik dhe ka ulur flamujt e tyre.
Dy tankerët grekë të kapur në Gjirin Persik quhen " Prudent Warrior" dhe "Delta Poseidon". Të dyja anijet u kapën në Gjirin Persik, njëra pranë rajonit Asalujeh dhe tjetra pranë në zonën Bandar Lengeh pranë ishullit Hendurabi. Kjo vjen pasi ambasadori i Greqisë në Teheran u thirr në Ministrinë e Jashtme ku iu tha që Greqia duhej të përmbahej nga pirateria detare. Ministria e Jashtme e Iranit kërkoi lirimin e menjëhershëm të anijes dhe ngarkesës së saj. Greqia kapi një anije me flamur iranian javën e kaluar. Reuters kishte pretenduar se Greqia e kishte dorëzuar naftën në Shtetet e Bashkuara. Korpusi i Gardës Revolucionare Islamike (IRGC) njoftoi të premten më 27 maj se kishte kapur dy cisterna greke të naftës në ujërat e Gjirit Persik. Në një deklaratë në faqen e saj të internetit, Garda Revolucionare tha se forca e saj detare "kapi dy cisterna greke të naftës për shkak të shkeljeve që ato kryen". Gjithashtu të premten, Ministria e Jashtme e Iranit thirri të ngarkuarin me punë të Zvicrës, i cili përfaqëson interesat e Uashingtonit në Teheran, për të protestuar kundër kapjes së dërgesës së naftës iraniane nga SHBA. Athina njoftoi të premten se helikopterët e marinës iraniane zbarkuan persona të armatosur në dy cisterna më herët gjatë ditës. Njëra prej tyre, Delta Poseidon, po lundronte në ujërat ndërkombëtare në atë kohë, tha Ministria e Jashtme greke, duke shtuar se cisterna e dytë ishte afër bregdetit iranian kur u kap. Ministria tha gjithashtu se nëntë grekë ishin midis ekuipazheve të dy anijeve, por nuk dha një numër të marinarëve të tjerë në bord. Athina ka informuar Bashkimin Evropian dhe Organizatën Ndërkombëtare Detare për incidentin, shtoi Ministria e Jashtme greke.
