Irani: Grushtet e shtetit, ndërhyrjet ushtarake vetëm një pjesë e dosjeve të zeza të SHBA-së dhe Britanisë së Madhe në botë
Zëdhënësi i Ministrisë së Jashtme të Iranit, Naser Kanani, ka kritikuar SHBA-në dhe Britaninë e Madhe për ndërhyrjen e tyre në punët e vendeve të tjera, duke përfshirë edhe komplotin e tyre për grushtin e shtetit të vitit 1953 në Iran që rrëzoi qeverinë e zgjedhur në mënyrë demokratike të Mohammad Mosadegh.
"Skllavëria, kolonializmi, grushtet e shtetit dhe ndërhyrjet ushtarake në vende të tjera janë vetëm një pjesë e historisë së errët dhe të turpshme të ndërhyrjes amerikane dhe britanike në botë," tha Kanani të dielën në llogarinë e tij në rrjetin X.
Ai iu referua rolit të SHBA-së dhe Britanisë së Madhe në një grusht shteti në Iran që ndodhi më 19 gusht 1953 dhe përmbysi qeverinë e kryeministrit të zgjedhur Mohammad Mosadegh. Dy shtetet perëndimore nxitën grushtin e shtetit, të njohur si Grushti i Shtetit i 28 Mordadit, për t'i shërbyer interesave të tyre në Iran, duke përfshirë interesat e Britanisë për naftë.
SHBA dhe Britania e Madhe do të mbajnë përgjithmonë përgjegjësinë për aktin e tyre të turpshëm për të përmbysur qeverinë e zgjedhur në mënyrë demokratike të Mossadegh përmes grushtit të shtetit të 28 Mordadit dhe mbështetjen politike, të sigurisë dhe ushtarake për tiraninë, vuri në dukje zëdhënësi i Ministrisë së Jashtme të Iranit.
Me një dosje kaq të zezë, vazhdoi ai, dy shtetet perëndimore sot po mbështesin regjimin e rremë dhe racist izraelit dhe gjenocidin në Gaza, ndërsa e konsiderojnë veten si flamurtarë të demokracisë dhe të të drejtave të njeriut.
