Të vërtetat, deklaratat dhe përgënjeshtrimet rreth agresionit të regjimit sionist ndaj Iranit

Parstoday - Sulmi herët në mëngjes i regjimit sionist në pjesë të qendrave ushtarake në provincat Teheran, Khuzestan dhe Ilam u shoqërua me fakte, me shumë spekulime dhe përgënjeshtrime.

Sipas ParsToday, zyra për marrëdhënie me publikun e mbrojtjes ajrore të Iranit në një njoftim deklaroi: "Sot (e shtunë), regjimi sionist sulmoi pjesë të qendrave ushtarake në provincat e Teheranit, Khuzestanit dhe Ilamit në një veprime për rritjen e tensioneve, të cilin sistemi i integruar i mbrojtjes ajrore iraniane reagoi me sukses kundër këtij agresioni të regjimit sionist.

Sipas këtij njoftimi, në disa vende janë shkaktuar edhe dëme të kufizuara, ndërsa po shqyrtohen dhe analizohen rrethanat për shkallën e ngjarjes.

Përmes një njoftimi, Ushtria e Republikës Islamike të Iranit njoftoi për vrasjen heroike të dy ushtarëve të kësaj force në përballje me agresionin e regjimit sionist mëngjesin e sotëm (e shtunë).

Edhe Ministria e Punëve të Jashtme e Republikës Islamike të Iranit dënoi aktin agresiv të regjimit sionist dhe theksoi: "Sipas nenit 51 të Kartës së Kombeve të Bashkuara, Irani e konsideron veten në të drejtë dhe ka për detyrë të mbrohet nga aktet e huaja të agresionit".

Pas këtij veprimi tensionues të Tel Avivit, burimet e regjimit sionist u përpoqën të zmadhonin këtë sulm të dobët dhe bënë pretendime të ndryshme për të.

Në të njëjtin kontekst, një burim sionist pohoi se në këtë sulm ishin përfshirë 100 avionë ushtarakë izraelitë, pretendim ky që u përball me reagimin e Iranit.

Një burim i informuar i tha agjencisë së lajmeve Tasnim: "Lajmet që thonë se 100 avionë ushtarakë izraelitë janë përfshirë në këtë sulm, janë krejtësisht të rreme dhe regjimi sionist kërkon të zmadhojë këtë sulm të dobët".

Ky burim gjithashtu e konsideroi të pavërtetë pretendimin e ushtrisë izraelite për shënjestrimin e 20 pikave në Iran dhe deklaroi: "Numri i objektivave të armikut ishte më i vogël se sa që pretendohet".

Ky burim tha gjithashtu se agresioni i izraelitëve është kryer nga jashtë kufijve të Iranit dhe ka shkaktuar disa dëme të kufizuara.

Publikimi i fotove false dhe lajmeve të rreme ishte një tjetër taktikë e sionistëve pas agresionit të Iranit; madje ky veprim i sionistëve u bë shkak që gazetarët dhe përdoruesit izraelitë të rrjeteve sociale të shprehin keqardhje.

Korrespondenti ushtarak i gazetës "Times of Israel" duke reaguar ndaj fotove të publikuara nga Yoav Gallant, ministri i luftës së regjimit sionist, i cili pretendoi se këto foto lidhen me dëmet e shkaktuara nga sulmi i Izraelit në Iran, shprehu keqardhjen e tij për këtë pretendim të pabazë të autoriteteve izraelite.

Gazetari i kësaj medie izraelite theksoi: "Gallant i futur nën tokë ka disa publikuar foto të pretenduara të sulmit të Tel Avivit dhe ka deklaruar se këto foto kanë të bëjnë me zjarrin e rafinerisë së Teheranit si pasojë e sulmit izraelit".

Ai shtoi: "Këto foto lidhen me zjarrin e rafinerisë së Teheranit që kishte ndodhur në vitin 2021 dhe nuk kanë asnjë lidhje me sulmin e Izraelit".

Në lidhje me këtë në rrjetin social X ka shkruar edhe përdoruesi izraelit Shavi Shauli duke thënë: "Mendoj se veprimi i dobët është gjëja e duhur, por pse po na gënjen Netanyahu?".

Shaker Khafaei, zëdhënësi i Rafinerisë së Teheranit, mohoi gjithashtu se rafineria e Teheranit të jetë shënjestruar në sulmin e mëngjesit të hershëm të regjimit sionist dhe tha: “Rafineria e Teheranit aktualisht po funksionon si zakonisht dhe nuk ka pas asnjë problem në këtë fabrikë”.

Fateme Mohaxherani, zëdhënësja e qeverisë iraniane, në reagim ndaj publikimit të imazheve të rreme të publikuara në disa media izraelite, tha: “Irani është një vend i fuqishëm dhe i me stabilitet të fortë dhe nuk do të përballet me probleme me veprime të tilla djallëzore”.

Mohaxherani shtoi: "Irani tani është në një situatë normale dhe madje edhe fluturimet janë kthyer në rutinën e tyre normale që nga ora 9 e mëngjesit".

Agresioni ushtarak i regjimit sionist kundër Iranit rezultoi në reagime ndërkombëtare dhe vendet e Arabisë Saudite, Malajzisë, Jordanisë, Katarit, Kuvajtit, Sirisë, Pakistanit, qeverisë së Sana's, Emirateve të Bashkuara Arabe, Irakut, Omanit dhe Palestinës dhe Lëvizja e Rezistencës Islamike të Palestinës (Hamas) lëshoi ​​deklarata të veçanta në të cilat dënuan këtë agresion ushtarak dhe e quajtën atë një shkelje të qartë të sovranitetit të Iranit dhe shkelje të ligjeve ndërkombëtare.