Komitetet e Rezistencës: Sionistët nuk janë të sigurt në Palestinë
Komitetet e rezistencës palestineze njoftuan se operacioni me dron i Jemenit kundër sionistëve dëshmoi se ata nuk janë të sigurt në territorin palestinez.
Sipas raportit të IRNA të premten, komitetet e rezistencës palestineze njoftuan në një deklaratë: “Operacioni me dron i Jemenit në sulmin në Tel Aviv rrëzoi figurën e rreme të sionistëve dhe tronditi themelet e regjimit të tyre.”
Në këtë deklaratë thuhet: “Ky operacion u tregoi pushtuesve sionistë se ata nuk janë të sigurt në tokën palestineze dhe fanatikët e luftës si kryeministri Benjamin Netanjahu dhe ministri i luftës Yoav Galant dhe mbështetësit e tyre amerikanë premtojnë një mirazh për emigrantët sionistë që jetojnë në tokën palestineze.”
Komitetet e rezistencës palestineze, i bëjnë thirrje të gjitha grupeve të rezistencës të ndjekin shembullin e forcave të armatosura heroike të Jemenit, për të synuar interesat e Amerikës dhe Izraelit në të gjithë rajonin.
Të premten në mëngjes, një dron hyri në hapësirën ajrore të Tel Avivit dhe goditi një ndërtesë pranë ambasadës amerikane. Gjatë këtij operacioni, i cili u krye duke përdorur një dron stealth të quajtur “Yafa”, një sionist mbeti i vrarë dhe shtatë të tjerë u plagosën. Brigadieri Yahya Saree, zëdhënës i forcave të armatosura të Jemenit, njoftoi se Tel Avivi tani është i pasigurt dhe objektivi kryesor i armëve të vendit.