Pars Today

Pars Today- Mediat sioniste duke pohuar forcën dhe fuqinë mbrojtëse të frontit të rezistencës, theksuan: "Ushtria izraelite po paguan kosto të dhimbshme".

Jacques Khoury, analist i gazetës izraelite “Haaretz”, tha: “Forcat e rezistencës dinë shumë mirë se si të përmirësohen dhe si të përballen me humbjen e udhëheqësve dhe komandantëve të tyre dhe të zgjedhin e më pas të prezantojnë liderë të rinj”.

Në këtë paketë lajmesh nga ParsToday, vështrohen deklaratat e një sërë zyrtarësh të regjimit izraelit në lidhje me këtë çështje:

Kapaciteti i lartë ushtarak i Rezistencës

Tal Bari, drejtori i qendrës sioniste “Ulama”, deklaroi: "Pavarësisht bombardimeve të qendrave të Hezbollahut nga regjimi izraelit, vlerësimet tregojnë se rezistenca libaneze ka ende një fuqi shumë të lartë ushtarake dhe po i jep goditje të rënda Izraelit". Kjo qendër në një raport njoftoi gjithashtu se që nga fillimi i luftës në Rripin e Gazës, rreth 1200 dronë janë lëshuar nga Hezbollahu në territoret e pushtuara nga regjimi izraelit.

Platformat e gazit dhe portet e Izraelit, objektiva të lehta për Rezistencën

Nga ana tjetër, Amir Bouhabout, analisti i medias izraelite “Walla”, tha: "Hezbollahu i Libanit dhe forcat e armatosura të Jemenit kanë aftësinë të godasin anijet, platformat e gazit dhe portet izraelite".

Hezbullahu deri më tani ka përdorur një pjesë shumë të vogël të arsenalit të tij

Lior Ackerman, ish-zyrtar i shërbimit të sigurisë së brendshme të regjimit sionist (Shabak) paralajmëroi gjithashtu ushtrinë e këtij regjimi për fuqinë e lartë të Hezbollahut të Libanit dhe deklaroi: "Kjo lëvizje ka përdorur vetëm një pjesë të vogël të kapaciteteve të saj raketore dhe të dronëve deri më tani dhe ka një arsenal shumë të pasur raketash dhe dronësh".

Ky ish-zyrtar sionist pranoi: "Hezbollahu akoma ka përdorur vetëm një të tetën e aftësive të tij ushtarake. Infrastruktura e rezistencës libaneze është e paprekur dhe një pjesë e madhe e raketave me rreze të gjatë dhe precizitet të lartë të rezistencës libaneze është në dispozicion".

Ushtria izraelite po paguan një çmim të rëndë

Roy Sharon, korrespondenti i çështjeve ushtarake i rrjetit televiziv Kan të regjimit izraelit, po ashtu vuri në dukje çmimet e rënda që po paguan ushtria e regjimit sionist në Liban dhe në Rripin e Gazës dhe tha: "Ushtria izraelite po paguan çmime të dhimbshme".

Frika e izraelitëve nga një luftë e zgjatur

Në të njëjtën kohë, Nadav Eyal, një analist politik i gazetës izraelite "Yediot Aharonot", tha: "Në Izrael, ekziston një frikë e vërtetë për një luftë të keqe me motive të pafundme, kështu që autoritetet e sigurisë dhe ushtarake thonë se veprimet ushtarake duhet të ndalen përmes një zgjidhjeje efektive politike, sepse Hezbollahu nuk do të shkatërrohet në asnjë rrethanë".