Hezbollahu rrëzon dronin izraelit Hermes 450
Luftëtarët e lëvizjes së rezistencës libaneze Hezbollah kanë interceptuar dhe rrëzuar një dron izraelit të madhësisë së mesme teksa po fluturonte mbi rrethin Marxhejun në Libanin jugor, afër kufirit me territoret e pushtuara.
Hezbollah tha në një deklaratë të shkurtër se njësia e tij e mbrojtjes ajrore shënjestroi të shtunën dronin Hermes 450 me një raketë tokë-ajër.
Ai shtoi se avionët luftarakë izraelitë bombarduan fshatin Deir Siriane në provincën Nabatieh të Libanit, ku ra droni i rrëzuar.
Grupi i rezistencës lëshoi gjithashtu breshëri raketash në grumbullimet e ushtarëve izraelitë në zonën ushtarake al-Abad pranë kufirit libanez, si dhe në vendbanimin ilegal Manara.
Për më tepër, Hezbollahu mori përgjegjësinë për një sulm me raketa kundër vendbanimeve Kiryat Shmona në pjesën veriore të tokave të okupuara.
Luftëtarët libanezë goditën gjithashtu vendbanimet izraelite Baram dhe Maalot Tarshiha me breshëri raketash, duke shkaktuar dëme në vendet e synuara.
Gjithashtu të shtunën, Hezbollahu gjuajti një breshëri raketash në qytetin verior të pushtuar të Safed dhe shënjestroi bazën e industrisë ushtarake Zvulon në veri të Haifës.
