Vdes Mbretëresha Elisabeth II

Mbretëresha Elisabeth II, monarkja më jetëgjatë në historinë britanike ka vdekur këtë të enjte, ndërsa ndodhej në kështjellën Balmoral në Skoci.

E lindur në vitin 1926, Princesha Elizabeth u bë mbretëreshë pas vdekjes së babait të saj, Mbretit George VI, në vitin 1952. Në shtator të viti 2015 , mbretëresha tejkaloi rekordin prej 63 vitesh e 216 ditësh në fron të vendosur nga Mbretëresha Victoria (stërgjyshja e saj) për t’u bërë ajo monarkja britanike më jetëgjatë në histori. Monarkja që në moshën 25-vjeçare, ka kaluar nga 15 kryeministra britanikë në mbretërimin e saj dhe është takuar me 13 presidentë të SHBA-së. Ajo ka mbretëruar me sukses pavarësisht tkurrjes së Perandorisë Britanike dhe ngritjen e globalizimit. Ajo e ka udhëhequr vendin përmes pasigurisë dhe dramave të vetë familjes mbretërore. Në muajin shkurt ajo festoi 70-vjetorin e mbretërimit të saj, ku edhe shprehu dëshirën që Camilla, dukesha e Cornwal të njihet si mbretëreshë, kur i shoqi, princi Charles të bëhet mbret i Britanisë së Madhe.