Nga greva e profesorëve të Universitetit të Nju Jorkut e deri tek mbështetja e universiteteve turke për Gazën
Mbështetja globale e lëvizjeve studentore dhe universitare për Palestinën vazhdon. Më shumë se 120 anëtarë të fakultetit të Universitetit të Nju Jorkut dolën në grevë në shenjë proteste për arrestimin e ashpër të studentëve nga policia.
Gjatë tre javëve të fundit, më shumë se 2,100 njerëz janë arrestuar në të gjithë Shtetet e Bashkuara në protestat pro-palestineze në kampuset universitare. Ditët e fundit, ka pasur demonstrata të shumta pro-palestineze në kampuset në të gjithë Shtetet e Bashkuara dhe protestuesit kanë kërkuar ndalimin e mbështetjes ushtarake, financiare dhe diplomatike të Shteteve të Bashkuara për operacionet ushtarake të regjimit sionist në Gaza. Nga ana tjetër, universitetet turke së bashku me universitetet amerikane përkrahën Gazën. Gjithashtu, studentët gjermanë dhe francezë vazhdojnë të mbështesin popullin e Gazës. Thuhet se studentët e Universitetit Humboldt në Gjermani janë ulur para këtij universiteti në mbështetje të Gazës dhe për të dënuar gjenocidin e ushtrisë sioniste. Gjithashtu studentët e Universitetit të Lionit në Francë u solidarizuan me kombin palestinez duke brohoritur sloganin “Ne të gjithë jemi Gaza”. Ndërkohë, sipas raportimeve, policia e Berlinit ka përdorur dhunë për të shpërndarë demonstratën pro Gazës në Universitetin Humboldt. Këto zhvillime janë në një kohë kur “Ehud Olmert”, ish-kryeministri i regjimit sionist, ka reaguar ashpër kundër Netanyahut dhe luftës së Gazës. Olmert ka thënë: "Ne nuk do të dalim fitimtarë nga kjo luftë dhe ne duhet të mbushim rrugët me demonstrues kundër Netanyahut dhe aleatëve të tij."
