Pars Today

Ditët e fundit, kemi hasur në lajme të tmerrshme. Në një sulm të para-planifikuar të Dielën, 6 Qershor, një burrë në Kanada vrau qëllimisht katër anëtarë të një familjeje myslimane, thotë raporti.

Ditët e fundit, kemi hasur në lajme të tmerrshme. Të Dielën më 6 Qershor një burrë në Kanada vrau qëllimisht katër anëtarë të një familjeje myslimane në një sulm të para-planifikuar. Burri sulmoi familjen që ishte në këmbë me një kamionçinë në jug të Ontario. Pas sulmit djali i vetëm i mbijetuar 9-vjeçar i familjes u shtrua në spital në qytetin Londër.

Sipas AFP nga Londra e Kanadasë, i dyshuari është 20-vjeçari Nathaniel Weltman, i cili u largua pas sulmit mirëpo u arrestua. Sipas policisë, nuk kishte asnjë lidhje të njohur më parë midis të dyshuarit dhe viktimave. "Ata ishin njerëz të pafajshëm që u vranë vetëm sepse ishin myslimanë," thanë vëzhguesit politikë.

Kjo ngjarje e tmerrshme pati reagime të ndryshme. Disa e kanë quajtur atë një katastrofë të madhe që e ka vënë shoqërinë kanadeze në sprovë. "Kam frikë për hir të miqve të mi dhe komunitetit tim. Kam frikë për shkak të perçes dhe atyre që veshin rrobat tradicionale të myslimanëve. Ky akt terrorist e çon shoqërinë drejt terrorizmit," tha Sabur Khan, president i Shoqatës Myslimane të Londrës, në një intervistë me agjencinë shtetërore të lajmeve SBC.

Çështja e anti-islamizmit nuk është një fenomen i ri në botën perëndimore. Në shekullin e 19-të dhe fillimin e shekujve të 20-të, kur bota islamike ishte në një gjendje pasiviteti dhe amulli, myslimanët u tërhoqën dhe u zmbrapsën nga fortesa në fortesë. Grupet anti-islamike nuk kishin asnjë shqetësim në lidhje me Islamin. Pas ringjalljes dhe rivendosjes së identitetit të botës islamike, e cila filloi në fund të shekullit XX, veçanërisht me fitoren e Revolucionit Islamik në Iran, ndjenja e frikës ndaj Islamit dhe konfrontimi me myslimanët në Perëndim, gradualisht filloi të marrë dimensione të reja. Fillimi i shekullit të 21 përkoi me 11 shtatorin dhe sulmin ndaj kullave binjake. Ky incident dhe pasojat e tij përhapën anti-Islamin dhe anti-Islamizmin në botën perëndimore. Që nga ajo kohë, përveç ngjarjeve të 11 shtatorit 2001, çdo incident tjetër, siç është shpërthimi në stacionin e trenit në Madrid në mars 2004 dhe bombardimi i stacionit nëntokësor të Londrës në vitin 2005, shpejt iu atribuua myslimanëve dhe ato u prezantuan gjoja si një simbol i sjelljes dhe kulturës myslimane. Në shoqërinë amerikane dhe në shoqëritë evropiane, ndodhën ngjarje në të cilat viktimat ishin myslimanë, veçanërisht ata që ndiqnin simbolet dhe ritualet islamike.

Politikat anti-islamike të qeverive perëndimore në kufizimin e myslimanëve, në të vërtetë, kanë nxitur urrejtjen kundër myslimanëve dhe sulmet terroriste ndaj myslimanëve. Si pasojë e 11 shtatorit, disa sociologë perëndimorë propozuan një ligj që përcakton se "një terrorist mund të mos jetë mysliman, por një mysliman është sigurisht një terrorist". Kjo çoi në prodhimin e filmave të ndryshëm që në mendjet e audiencës evokojnë urrejtjen ndaj myslimanëve. Që nga ajo kohë, qindra akte kriminale janë kryer kundër myslimanëve, xhamive dhe vendeve që u përkasin myslimanëve. Sipas statistikave kanadeze, krimet nga urrejtja kundër myslimanëve në Kanada, u rritën me rreth 253 përqind nga 2012 deri në vitin 2015.

Në disa raste, këto veprime të dhunshme madje çuan në vrasjen e myslimanëve në këto komunitete. Më 29 janar 2017, një sulmues racist i armatosur hapi zjarr ndaj adhuruesve në një sulm terrorist në xhaminë e Quebec, duke vrarë gjashtë veta dhe duke plagosur 19 të tjerë. Ky incident tronditi të gjithë njerëzit dhe tmerroi komunitetet islamike.

Veprime të tilla anti-myslimane nuk janë të kufizuara në Perëndimin e dhunshëm. Përkundrazi, ndërsa qeveria Kanadeze dënon sulmet ndaj myslimanëve, ajo në të vërtetë nuk ndërmerr veprime për të luftuar dhunën, por në disa raste ajo edhe nxit më shumë urrejtjen. Për shembull, studiuesit thonë se sistemi arsimor publik i Kanadasë mes të rinjve dhe adoleshentëve promovon qëndrime islamofobe. Pas krimit më të fundit – vrasja e një familjeje të pafajshme myslimane - faqja në internet e Londrës Free Press e përshkroi sulmin si një nga dhunat e vazhdueshme kundër myslimanëve në Kanada dhe shkroi se Këshilli Kombëtar i Myslimanëve të Kanadasë kishte identifikuar më shumë se 300 sulme kundër myslimanëve, prej të cilave më shumë se 30 janë  shoqëruar me dhunë të rëndë fizike.  

Sidoqoftë, qasja anti-islamike nuk ka qenë në gjendje të parandalojë njerëzit që të kthehen në këtë fe hyjnore. Sipas statistikave të botuara, Islami është feja e dytë më e rëndësishme në Kanada pas Krishtërimit, e cila është feja e shumicës së kanadezëve. Megjithëse tradita e krishterë është ende e përhapur në vend, vlen të përmendet se niveli i të krishterëve kanadezë ka rënë nga 98% në 2001 në 67.3% në 2011. Kjo situatë ka ndodhur në gjysmën e shekullit të fundit pas emigrimit të shumë myslimanëve nga vende të ndryshme në Kanada dhe aktualisht Islami po rritet dhe po përhapet më shpejt se fetë e tjera. Deri më tani shumë kanadezë janë kthyer në mysliman. Numri i xhamive dhe i qendrave të lutjeve në këtë vend po rritet dhe shumë shoqata dhe grupe islamike janë aktive në këtë vend. Ky trend tregon përhapjen e Islamit në këtë vend dhe i faktit se mesazhi i Islamit po kuptohet dhe dëgjohet si një fe paqësore.

Sipas studiuesve, sulmet e gjera ndaj Islamit i kanë motivuar të rinjtë të mësojnë edhe më shumë për Islamin dhe për ta kanë hapur një dritare të realitetit. Islamofobia e rreme bëri që një i ri si Gregory në Kanada të ishte kurioz të dinte se për çfarë feje po propagandojnë negativisht mediat perëndimore. Ndërkohë, një incident i thjeshtë e ka  bërë këtë adoleshent kurioz kanadez të kuptojë realitetin e Islamit. "Një ditë isha në një faqe në internet kur një mysliman hyri aksidentalisht në dhomën time të bisedës dhe prezantoi veten dhe fenë e tij", tha ai. Unë i bëra pyetje në lidhje me Islamin dhe ai u përgjigj dhe me përgjigjet e tij dhe gradualisht u interesova për Islamin. Gregory kaloi ca kohë duke hulumtuar Islamin dhe shkrimet e shenjta islame dhe më në fund zbuloi se islami jo vetëm që nuk është një fe e dhunës dhe ekstremizmit, por një fe që i jep njeriut shpresë dhe identitet të ri përmes mësimeve të tij konstruktive shpirtërore. Ai është një nga qindra të rinj që kanë zgjedhur Islamin si një fe qëllimshme dhe kuptimplotë.

Mendimi anti-islamik dhe sulmi ndaj integritetit të fesë islame është realiteti i botës sonë sot, por pranimi në rritje i kësaj feje hyjnore ka rritur fushën e veprimtarisë së saj. Por pyetja që mbetet pa përgjigje është se: Duke luftuar kundër një feje, a mund të injorohen të drejtat e njeriut dhe atyre t'u merret e drejta e jetës, sidomos në ato shoqëri që pretendojnë për të drejtat e njeriut, lirinë e shprehjes dhe lirinë e fesë?

Padyshim, incidenti i ri terrorist në Kanada është një vazhdim i pakujdesisë së autoriteteve kanadeze për të përmirësuar situatën e të drejtave të njeriut dhe respektimin e të drejtave të pakicave në këtë vend. Në të njëjtën kohë, shkolla e humanizmit në Perëndim, e cila e bëri njeriun në qendër të universit dhe në qendër të të gjitha shkollave dhe programeve qiellore dhe e konsideroi origjinalitetin e njeriut dhe kuptimin e tij në të gjitha fushat, krijoi një idhull të ri të quajtur “njeri” i cili njerëzimin e zëvendësoi duke hequr respektin për qeniet e tjera njerëzore, duke vendosur egoizmin dhe epërsinë. Rezultati është mbizotërimi i ndjenjave të zbrazëta dhe të kota dhe i ndjenjave të pasigurisë mendore midis individëve, veçanërisht midis të rinjve perëndimorë. Sipas sociologut francez, "Henri Lefebvre një njeri është i fshehur në jetën e përditshme në Perëndim dhe jeta në qytetet kapitaliste është bërë një përsëritje e lodhshme. Teknologjia ka bërë të mundur që qeniet njerëzore të plotësojnë nevojat e tyre. Mirëpo sa më pak që ata të bashkëveprojnë dhe të komunikojnë drejtpërdrejt me njëri-tjetrin edhe pse njeriu perëndimor, ka mjetet më të përparuara të komunikimit masiv, ai është e vetmja qenie njerëzore në histori që është i përfshirë nga ankthi dhe pasiguria dhe që tani niveli i tij i zemërimit dhe shqetësimit ka arritur nivelin më të lartë. Fukuyama thekson se problemi më i rëndësishëm i këtyre shoqërive është shembja e ndjenjës njerëzore dhe kriza e shkaktuar nga rënia e kohezionit moral. Për fat të keq, pasojat e këtij zemërimi dhe ankthi të shkaktuar nga boshllëku i shkollave materialiste, prekin njerëzit e pafajshëm, krimi i vetëm i të cilëve është e të qenit mysliman.