Ramazani, muaji i Zotit (2)

Këtu është vendi i syfyrit të Ramazanit. Namazi i sabahut mbaroi, xhemati janë ulur,  këndojnë Kur’an dhe lutje tjera.

Të nderuar dëgjues, jeni me ciklin tonë të emisioneve me titull Ramazani, muaji i Zotit, ku pjesën e dytë të këtij programi po e fillojmë me një lutje të veçantë për hir të Muajit të bekuar të Ramazanit:

"O Allah, më sill gjatë këtyre ditëve më pranë kënaqësisë Tënde dhe më mbaj larg prej pakënaqësive Tuaja dhe hakmarrjes. Më ndihmo me në recitimin e ajeteve të Shkrimit Tënd, me mëshirën Tënde, O Mëshiruesi i të mëshirshmëve".

Muaji i bekuar i Ramazanit është manifestimi i Kur'anit të shenjtë dhe periudha për të qenë në bashkësi me Zbulesën përfundimtare dhe universale të të Plotfuqishmit për të gjithë njerëzimin. Zoti në ajetin 23 të sures Zumer, thotë:

“All-llahu e shpalli të formën më të mirë, librin, të ngjashëm në mrekulli, të përsëritur herë pas herë (me këshilla e dispozita), që prej (dëgjimit të) tij rrëqethen lëkurat dhe zemrat e tyre. Ky (libër) është udhëzim i All-llahut, me të udhëzon atë që do. E atë që All-llahu e le të humbur, për të nuk ka ndonjë udhëzues”. 

Mund të thuhet se një pjesë e madhe e bekimeve të Ramazanit janë të lidhur me Kur'anin e shenjtë. Ekziston një marrëdhënie e veçantë midis ajeteve të shkëlqyera të Kuranit fisnik dhe muajit të bekuar të Ramazanit. Ashtu siç pranvera është koha e ringjalljes për natyrën dhe jep freski për shoqëritë njerëzore, muaji i bekuar i Ramazanit është burimi i Kur’anit të shenjtë. Imam Aliu (as), trashëgimtari i parë i pagabueshëm i Profetit Muhammed (savs), në lidhje me  këtë ka thënë: "Mësoni Librin e Zotit, sepse është burimi i zemrave tuaja!"

Merita më e rëndësishme e Ramazanit është se zemra e Profetit u ndriçua me Kur'anin e shenjtë në këtë muaj, siç është theksuar në ajetin 185 të sure Bekare. Në fillim të sures Duhan, përmendet gjithashtu se Kur'ani fisnik është dërguar në një natë të bekuar. Duke pasur parasysh këtë, ajeti i parë i sures Kadr, qartë thotë se ky muaj i bekuar është në muajin e Ramazanit.

Kur'ani fisnik u dërgua në dy mënyra. E para ishte zbulesa e tij e plotë në një rast në muajin e bekuar të Ramazanit, domethënë zemra e Profetit u ndriçua me përmbajtjen e rrezatimit të këtij shkrimi qiellor. Mënyra e dytë është shpallja graduale e ajeteve të këtij Libri që u zhvillua gjatë 23 viteve të misionit të Profetit sipas kërkesave të kohës dhe vendit. Mësimet e Kur'anit të shenjtë janë universale dhe tejkalojnë kufijtë e kohës dhe hapësirës. Kur'ani fisnik është në gjendje të plotësojë nevojat e njeriut modern ashtu siç i përmbushi me të vërtetë nevojat e muslimanëve në ardhjen e Islamit. Pejgamberi i Islamit ka thënë: "Kurdoherë që zënkat hedhin hije mbi ju si copa të natës së errët, mbahuni fort tek Kur'ani si është udhëzuesi më i mirë".

Në muajin e Ramazanit, atmosfera është aq shpirtërore në shoqëri, saqë çon në rritjen dhe lulëzimin e virtyteve dhe karakteristikave njerëzore. Kjo rezulton në vetë-pastrim dhe në vetë-reformim. Pjesëmarrja në lutjet me xhemat, pjesëmarrja në klasa të veçanta arsimore, dëgjimi i diskurseve fetare dhe mbajtja e seancave për recitimin e Kur'anit të shenjtë janë disa prej karakteristikave të përbashkëta gjatë muajit të bekuar të Ramazanit.

I Dërguari i Mëshirës ka thënë: "Në të vërtetë, Zoti yt ka bërë që të përfitoni nga një erë që frynë, ngutuni të dilni në këto breza, ndoshta do t'ju prekë kjo erë, me ç ‘rast asnjë mjerim nuk do të të bjerë pas kësaj".

Zoti thekson se muaji i bekuar i Ramazanit forcon  shpirtin tonë. Ajeti 183 i sures Bekare thotë: “O ju që besuat, agjërimi (saum) u është bërë obligim sikurse që ishte obligim edhe i atyre që ishin para jush, kështu që të bëheni të devotshëm”.  

Për më tepër, Kur’ani i shenjtë u bën thirrje besimtarëve të përpiqen për të ndihmuar nevojtarët dhe të varfrit. Kështu, është e qartë se gjatë muajit të Ramazanit, njerëzit ndeshen me njëri-tjetrin për të ndihmuar të varfrit dhe shpenzimet në rrugën e Zotit. Në të vërtetë, besimtarët përpiqen të përmirësojnë veten me udhëzimet e Zotit. Ajeti 174 i sures Nisa thotë: "O ju njerëz, juve ju erdhi nga Zoti juaj argument dhe Ne ju zbritëm dritë të qartë".

Muaji i bekuar i Ramazanit vendos bazën për shpagimin shpirtëror të individit dhe e përgatit atë për të shijuar mëshirën hyjnore. Siç e cekëm më lartë, Kur'ani i shenjtë nuk kufizohet në një kohë të caktuar apo vend gjeografik. Është projekt për udhëheqjen e gjithë njerëzimit deri në Ditën e Gjykimit. Është i vetmi Shkrim Qiellor që ka mbetur imun ndaj shtrembërimit dhe interpolimit. Gjatë 14 shekujve të fundit, mistere të shumta të këtij Libri janë zbuluar gradualisht tek njerëzimi, pasi shkencat njerëzore përparojnë pas gjykimit dhe gabimit.

Muaji i bekuar i Ramazanit është një mundësi për recitimin e Kur'anit të shenjtë dhe reflektim mbi mençurinë e tij të përjetshme. Është interesante që edhe gjatë këtij muaji është vërejtur shpallja e disa librave të tjerë hyjnorë ndaj profetëve të mëparshëm. Imam Xhafer Sadek (as), trashëgimtar i pagabueshëm i Profetit të Islamit, thotë: "Tevrati u shpall (për Musain) më 6 Ramazan, Inxhili u shpall (për Isaun) më 12 Ramazan, Zeburi u shpallë (për Davudin) në datë 18 të muajit Ramazan dhe Kur'ani u shpall në Natën e Kadrit".