Trump dy anët e monedhës (6)

Në këtë program, ne kemi rishikuar disa prej deklaratave dhe cicërimeve të reja të Trump, në veçanti pretendimin e tij për të "përzgjedhurin".

Presidenti amerikan Donald Trump nuk ka qëndruar qoftë edhe një javë polemizuar me cicërimet, komentet dhe vendimet e tij që nga ardhja e tij në Shtëpinë e Bardhë. Personaliteti, fjalimi dhe sjellja e paparashikueshme e Trump, që është jashtë traditës morale dhe politike të presidentit amerikan, e kanë vënë atë në krye të lajmeve si president i SHBA. Një nga çështjet më të përkushtuara të mediave amerikane rreth Trump janë komentet e bëra nga ai dhe anëtarët e ekipit të Trump në Shtëpinë e Bardhë dhe përgjigja e Trump ndaj atyre komenteve. Ish këshilltari i Trump Anthony Scaramucci në një intervistë të fundit për Market Watch tha se Trump "është 73 vjeç dhe ai do të jetë 78 në pesë vitet e ardhshme. Ai po humbet aftësitë e tij mendore dhe unë mendoj se ai është në një situatë kur gjërat vetëm do të përkeqësohen". Ai e përshkroi Trump si "i çmendur që është duke shkuar drejt greminës".

Më parë, Scaramucci e quajti Donald Trump një kokë mushkë  dhe tha: "Unë mendoj se ai e ka humbur mendjen dhe se aftësitë e tij mendore janë zvogëluar”. Presidenti Trump iu përgjigj ish drejtorit të komunikimit të Shtëpisë së Bardhë me një cicërim" duke thënë: "Anthony Scaramucci është shumë i paqëndrueshëm dhe person i çmendur që ka punuar me ish-kandidatët e tjerë presidencialë të SH.B.A.-së dhe fatkeqësisht hyri në fushatën time. Unë shumë pak e njihja atë derisa ai pas 11 ditësh bëri marrëzinë e tij në Shtëpinë e Bardhë dhe u pushua nga puna. "Anthony Scaramucci ka qenë mik për Trump për shumë vite dhe e mbështeti atë në mënyrë aktive në zgjedhjet e vitit 2016. Një nga pikat që theksojnë personat e larguar nga Trump është mungesa e besnikërisë së Trump ndaj të afërmve dhe miqve të tij. Presidenti i Shteteve të Bashkuara sakrifikon miqtë dhe të afërmit e tij kudo ku ai e sheh të arsyeshme për të arritur kërkesat e tij. Në afro tre vjet që nga presidenca e Trump, më shumë se dyzet këshilltarë të Trump dhe drejtuesit e vjetër në Shtëpinë e Bardhë dhe qeverisë amerikane ose kanë dhënë dorëheqjen ose janë shkarkuar nga puna.

Një nga personat që është sulmuar dhe kërcënuar nga Donald Trump këto ditë, është Kryetari i Rezervës Federale Jerome Powell. Politikat tregtare të Trump me Kinën dhe vendosja e tarifave për mallrat e importuara në SHBA nga Kina janë kritikuar nga një numër zyrtarësh dhe mendimtarësh të shquar politikë dhe ekonomikë amerikanë dhe kanë ngjallur zemërim nga Trump. Jerome Powell pranoi ndikimin e luftës tregtare me Kinën në rritjen ekonomike të SH.B.A.-së dhe nuk dërgoi një sinjal të qartë për ulje të mëtejshme të normave të interesit, duke e cilësuar presidentin amerikan Donald Trump si një armik më të madh sesa Kina! Trump, i cili po linte Uashingtonin për të shkuar në Paris për të marrë pjesë në samitin e Grupit G7, gazetarëve u tha se ai nuk do të pengojë Powell nëse ai jep dorëheqjen nga kryesimi i Federal Reserve. Trump më herët kishte postuar në Twitter: "Si gjithmonë Federale Rezerve nuk bëri asgjë! Është e  pabesueshme që ata të flasin pa ditur ose pa pyetur se çfarë unë jam duke bërë. Ne kemi një dollar shumë të fortë dhe një bankë qendrore shumë të dobët dhe unë duhet të merrem me të dyja prej tyre! Pyetja ime e vetme është: Kush është armiku ynë më i madh, Jerome Powell (Kryetar i Federale Rezerve) apo Shi Jinping (President Kinez) !? "

Pas më shumë se dy vjet e gjysmë të presidencës së Donald Trump, efektet e politikave ekonomike të Trump janë në rritje. Gjatë kësaj kohe, Trump foli për prosperitetin ekonomik të SH.B.A.-së dhe për politikat e tij për të balancuar bilancin tregtar të SHBA me partnerët kryesorë amerikanë dhe për të vendosur tarifa për mallrat e importuara nga Kina, Evropa, Kanadaja dhe Meksika. Duke folur para gazetarëve, presidenti amerikan tha: "Dikush duhej ta bënte. Unë jam ai i përzgjedhuri. Dikush duhej ta bënte. Kështu që unë po luftoj Kinën, po luftoj tregtinë me Kinën. Dhe ju e dini? Ne jemi duke fituar. Ne dukemi si feudalë. Të gjitha këto vende duan të vjedhin prej nesh, përfshirë Bashkimin Evropian. Ata duan të na grabisin dhe abuzojnë me ne. 200 miliardë dollarë BE. 500 miliardë dollarë Kina. "Pozicionimi i Trump se ai është i përzgjedhur , është kthyer në titullin kryesor të reflektimit të mediave. Mirëpo Donald Trump u detyrua të tërhiqet, duke e quajtur atë një shaka. "Dy ditë më parë, kur shikova lart në qiell dhe bëra shaka për tregtinë me Kinën, se isha një person i përzgjedhur, kuptova se mediat mund të pretendonin se unë jam Krishti, "shkroi presidenti amerikan. Ai shtoi:" Unë bëra shaka dhe po tallesha dhe kjo shprehje ishte thjesht për qejf. Kur shikoja përreth, unë isha duke buzëqeshur dhe shumë reporterë po buzëqeshnin me mua ”.

Megjithëse Trump është optimist për ndikimet pozitive të politikave të tij, elitat politike dhe ekonomike amerikane kanë mendim ndryshe. Uashington Post në fillim të këtij muaji raportoi se këshilltarët e lartë të Shtëpisë së Bardhë paralajmëruan presidentin Donald Trump se disa parashikime të brendshme sugjerojnë se rritja ekonomike mund të ngadalësohet ndjeshëm vitin e ardhshëm. Megjithëse ajo nuk çon në një recesion, por kjo pengon rrugën e tij për rizgjedhje në vitin 2020. "Zyrtarët e qeverisë amerikane kanë përpiluar një listë veprimesh që Trump mund të ndërmarrë për të parandaluar një recesion," raportoi Uashington Post. Por disa janë skeptikë për efikasitetin e  listës për shkak të paqëndrueshmërisë mendore dhe vendimeve të Trump dhe prirjes së tij për të ndryshuar ato plane. "Një republikan i afërt me Shtëpinë e Bardhë dhe udhëheqës i republikanëve në kongres thotë:" Të gjithë janë nervozë - kjo nuk është frikë por ankth. "Raporti i Uashington Post për situatën ekonomike të SHBA dhe politikat e Trump bazohet në intervista me më shumë se pesë zyrtarë aktualë dhe ish qeveritarë, ligjvënës dhe këshilltarë të huaj, të cilët kanë kontaktuar me Trump dhe ekipin e tij gjatë gjithë gushtit dhe disa kanë kërkuar që të mos zbulohen emrat. Disa nga presionet ekonomike që i bëjnë gjërat edhe më keq për Trump duket se janë shkaktuar prej vetë atij, siç është pasiguria që rrethon luftën e tij tregtare me Kinën që ka ngecur pjesën më të madhe të investimeve amerikane. Trump ka folur për problemet ekonomike me Kinën dhe Evropën dhe madje njoftoi javën e kaluar se "bota është në një gjendje recesioni", por këto presione duket se kanë ngadalësuar rritjen ekonomike të SHBA. "Ironia është se qasja ekonomike jokonvencionale e Trump tani është ndoshta faktori më i rëndësishëm i rrezikut ekonomik në botë," thotë Jan Sterling - i cili mbante poste të rëndësishme ekonomike gjatë administratave të Klintonit dhe Obamës.

Ndërsa Trump e përshkruan ekonominë aktuale të SHBA si më të mirat në historinë e SHBA, disa nga rivalët e tij demokratë thonë se ekonomia amerikane është në rënie. Shpenzimet e konsumatorit dhe tregu i punës janë ende të forta dhe pagat po rriten, por investimet tregtare, rritja e shpenzimeve federale dhe shqetësimet e biznesit po u bëjnë presion zyrtarëve të Shtëpisë së Bardhë për të justifikuar opinionin negativ publik.