13 تبعه تاجیکستان در افغانستان زندانی اند

رییس اداره امنیت ملی افغانستان از زندانی بودن 13 تبعه تاجیکستان در این کشور به اتهام عضویت در گروه تروریستی داعش خبر داد.

به گزارش رادیو تاجیکی صدای خراسان به نقل از سامانه تاپ تی جی، احمد ضیاء سراج درنشست خبری اخیر خود در کابل گفته است که این 13 تبعه تاجیکستان در چند عملیات  نظامیان افغانستانی بازداشت و زندانی شده اند.

وی شمار جنگجویان خارجی در زندانهای افغانستان را 408 نفر عنوان کرده است که در میان آنان 37 ازبکستانی و 12 قرقیز نیز وجود دارند.

به گفته سراج  کابل با کشورهایی که اتباع آنان در افغانستان به جرم عضویت در گروه تروریستی داعش زندانی هستند، در مورد استرداد این افراد وارد مذاکره شده است.

 قبلا نیز مقامات امنیتی افغانستان از حضور تعدادی از اتباع تاجیکستان در ترکیب گروه طالبان در ولایتهای شمالی افغانستان و در نزدیک مرزمشترک  دو کشورخبر داده بودند.

مقامات قضایی تاجیکستان می گویند که نزدیک به 2 هزار نفر از اتباع این کشور با پیوستن به گروههای تروریستی به سوریه، عراق وافغانستان رفته اند که تعدادی کشته شده اند و سرنوشت بقیه مشخص نیست.

بیشتر بخوانید:

• بازدید دبیرکل سازمان پیمان امنیت جمعی از مرز تاجیکستان و افغانستان

• حضور چشمگیر اتباع تاجیکستان در درگیری اخیر طالبان در بدخشان افغانستان