کشته شدن یک تاجیکستانی عضو طالبان در شمال افغانستان

سخنگوی تیپ 217 ارتش افغانستان از کشته شدن یک تبعه تاجیکستان در درگیری میان این واحد و گروه طالبان در ولایت قندوز در شمال افغانستان خبر داد.

به گزارش رادیو تاجیکی صدای خراسان به نقل از سامانه اسپوتنیک، هادی جمال گفته است که در عملیات اخیر تیپ 217 ارتش افغانستان علیه گروه طالبان یک  تبعه تاجیکستانی به اسم قاری بحرالدین کشته شده است.

وی تاکید کرده است که اجساد کشته شدگان گروه طالبان در اختیار ریاست امنیت ملی ولایت قندوز قرار گرفت و میان آنان قاری بحرالدین تبعه تاجیکستان شناسایی شد.

از سوی دیگر سید الیاس هاشمی از مقامات اداره امنیت ملی ولایت قندوز اعلام کرده است جنگجویان خارجی عضو گروه طالبان که اغلب از کشورهای ازبکستان، تاجیکستان، پاکستان، قرقیزستان، روسیه و چین می باشند، در فرمانداری امام صاحب تجمع کرده اند و فرمانده آنان فرد اویغور تبار چینی به اسم قاری فرقان است.

هاشمی معتقد است که این افراد مدت زیادی است در ترکیب گروه طالبان حضور دارند و تفکیک آنان از جنگجویان افغانی کار سختی است.

لازم به یادآوری است که فرمانداری امام صاحب ولایت قندوز رو به روی ناحیه پنج ولایت ختلان تاجیکستان واقع شده و رودخانه آمو این دو منطقه را از هم جدا می کند.