Созмони Ҳамкории Исломӣ тасмими режими Исроил барои ишғоли Ғаззаро маҳкум кард
Порс Тудей – Созмони Ҳамкории Исломӣ тасмими режими Исроил барои ишғоли Ғаззаро бо шадидтарин лаҳн маҳкум кард.
Ба гузориши Порс Тудей ба нақл аз ИРНА, Созмони ҳамкории исломӣ дар баёнияе эълом кард: Тасмими мақомоти ишғолгари исроилӣ барои ишғоли дубораи тамоми минтақаи Ғазза ва кучонидани наздик ба як миллион фаластинӣ мухолифи ҳамаи қонунҳои байналмилалӣ аст.
Ҷосим Муҳаммад ал-Будайвӣ, дабири кулли Шурои ҳамкории Халиҷи Форс низ дар вокуниш ба тасмими режими саҳюнистӣ барои ишғоли шаҳри Ғазза гуфт, ки ин тасмим нақзи равшани ҳамаи қатъномаҳои Созмони Милал ва қонунҳои байналмилалӣ буда, таъкиде бар гом бардоштани Тел-Авив дар самти таҳдиди амният ва суботи минтақа мебошад.
Кабинаи амниятии режими саҳюнистӣ бо нақшаи Бинёмин Нетаняҳу, сарвазири ин режим барои ишғоли комили минтақаи Ғазза мувофиқат кард.
Қарори режими саҳюнистӣ барои ишғоли Ғазза бо эътирози густурда дар сатҳи ҷаҳон рубару шудааст ва шуморе аз кишварҳо, мақомот ва ниҳодҳои байналмилалӣ ва ҳуқуқи башар дар мавқеъгириҳои худ бар зарурати қатъи ҷанг алайҳи минтақаи Ғазза ва барқарории оташбас таъкид кардаанд.