Иттиҳодияи Аврупо : Оташбас дар Ғазза фурсати воқеӣ барои поёни ҷанг аст

Порстудей - Иттиҳодияи Аврупо бо истиқбол аз тавофуқи оташбас дар Ғазза , онро фурсати воқеӣ барои поён додан ба ҷанги вайронгару ранҷи мардуми Фаластин донист.

Намояндагии сиёсати хориҷии Иттиҳодияи Аврупо бомдоди шанбе дар баёнияе эълом кард, ки ин иттиҳодия аз тавофуқи марҳилаи аввали тарҳи ҷомеъи поёни ҷанг дар Ғазза , ки аз сӯи раиси ҷумҳӯри Амрико барои тазмини оташбаси фаврӣ ва озодии ҳамаи асирон ироа шуда , ҳимоят мекунад . Дар ин баёния омадааст, ки ҳамаи тарафҳо бояд ин тавофуқро бидуни таъхир ва ба таври комил иҷро кунанд, то заминаи эҷоди оташбаси пойдор , озодии асирон ва вуруду тавзеъи густардаи кумакҳои инсонӣ фароҳам шавад. Иттиҳодияи Аврупо таъкид кард, ки ин тавофуқ метавонад поёне бар ҷанги вайронгару ранҷи мардум бошад ва масири сиёсии воқеӣ барои сулҳи пойдори устувор бар роҳи ҳалли ду давлатиро ҳамвор кунад.