Бештари шуҳадои фаластинӣ бидуни шиносоии ҳувият дафн мешаванд
Порс Тудей - Узви Кумитаи мудирияти аҷсоди усарои фаластинӣ бо эъломи инки бештари усарои фаластинӣ баъд аз шиканҷаи шадид ба шаҳодат расидаанд, гуфт: Режими саҳюнистӣ иттилооти ҳувиятӣ ба ҳамроҳи аҷсод ироа намедиҳад ва бо таваҷҷуҳ ба набуди имконот маҷбурем шуҳадоро бидуни шиносоӣ дафн кунем.
Сомиҳ Ҳамд, узви Кумитаи мудирияти аҷсоду коршиноси шавоҳиди кайфарӣ дар гуфтугӯ бо Алҷазира таъкид кард, ки тамоми аҷсоди усарои фаластинии озод шуда дорои осори шиканҷаи шадид ҳастанд ва ин шиканҷа мунҷар ба марги онон шудааст ва озмоишҳо ва муоинаҳо нишон медиҳад, бархе усаро эъдоми майдонӣ шудаанд. Ин кумита дар сайти «Сиҳҳатӣ», вобаста ба вазорати беҳдошти Фаластин тасовире аз аҷсоди усарои фаластинӣ мунташир кард то шояд мардуму ошноёни шуҳадо битавонанд аҷсодро шиносоӣ кунанд, зеро режими саҳюнистӣ иттилооте дармавриди аҷсод надодааст. Дар ин тасовир, дастони усаро аз пушт баста шуда ва рӯи чашмони онон низ пӯшида шуда ва бархе дигар ҳам таноб даври гарданашон печида шудааст. Сомиҳ Ҳамд гуфт, токунӯн 165 ҷасад аз режими саҳюнистӣ таҳвил гирифтем ва бар асоси тавофуқи анҷом шуда, ин режим бояд ҷасади 450 шаҳидро ба мо таҳвил диҳад. /ИРНА
