Ифтитоҳи хати роҳи оҳани Ҳамадон - Санандаҷ бо ҳузури раисиҷумҳури Эрон
-
Тӯли хати оҳани Теҳрон - Ҳамадон - Санандаҷ ҳудуди 420 километр аст
Роҳи оҳани Ҳамадон – Санандаҷ бо ҳузури раисиҷумҳури Эрон ва масъулони устонӣ ба баҳрабардорӣ расид.
Ба гузориши Хабаргузории садо ва симои маркази Курдистон, бо ифтитоҳи ин пружа шаҳри Санандаҷ ба унвони бистусеюмин маркази устон ба шабакаи роҳи оҳании кишвар муттасил шуд.
Иттисоли ин масир бо поёнаҳои марзии устон иҷро нашуда ва дар сурати иҷрои тарҳи иттисоли Санандаҷ ба марзи Бошмоқи Маривон имкони баҳрамандӣ аз мазиятҳои транзитии ин меҳвар низ фароҳам хоҳад шуд.
Барои эҳдоси ин калонпружа беш аз се ҳазору 400 миллиард тумон эътибор харҷ шуда, ки арзиши рӯзи он 15 ҳазор миллиард тумон баровард шудааст.
Тӯли хати оҳани Теҳрон - Ҳамадон - Санандаҷ ҳудуди 420 километр аст, ки масири Теҳрон то Ҳамадон ба тӯли 270 километр ба баҳрабардорӣ расидааст. Фази дувуми ин хат аз Ҳамадон ба Санандаҷ низ 151 километр тӯл дорад ва дар се қитъа таъриф шудааст, ки ҳудуди 64 километри он дар устони Ҳамадон ва боқимондаи он дар устони Курдистон воқеъ шудааст.
Зарфияти интиқоли мусофир 300 ҳазор нафар дар сол ва борӣ 500 ҳазор тон аст, ки бар асоси барнома муқарар шудааст, ин рақам дар бахши мусофирӣ дар соли 1420 ба 600 ҳазор нафар ва зарфияти интиқоли бор низ ба як миллион тон афзоиш ёбад.
