Тафсир/ Таъкиди Раҳбари инқилоб бар зарбаи қотеъи миллатҳои исломӣ ба режими саҳюнистӣ
Раҳбар муаззами инқилоб бо ишора ба ҷанги кунунӣ дар Ғазза, хостори зарбаи қотеъи миллатҳои мусулмон ба режими ишғолгари Қудс шуданд.
Ҳамзамон бо Даҳаи фаҷр ва дар остонаи фаро расидани солрӯзи байъати таърихии ҷамъе аз ҳумофарон бо ҳазрати имом Хумайнӣ (раҳ.) дар 19 баҳмани соли 1357, ҷамъе аз фармондеҳони нерӯи ҳавоӣ ва падофанди ҳавоии артиши Ҷумҳурии Исломии Эрон дар ҳусайнияи имом Хумайнӣ (раҳ.) бо Раҳбари муаззами инқилоб дидор карданд. Раҳбари муаззами инқилоб дар ин дидор тайи суханоне ба мавзуоти мухталиф ишора карданд, ки аз ҷумла ин мавзуоти ҷанги Ғазза буд.
Нуктаи нахуст дар суханони Раҳбари инқилоб дар хусуси ҷанги Ғазза, рақам хӯрдани фаҷоеи инсонӣ дар ин ҷанг буд. Мутобиқи охирин омори эълом шуда аз сӯи вазорати беҳдошти Фаластин, дар 122 рӯзе, ки аз ҷанги режими саҳюнистӣ алайҳи Борикаи Ғазза мегузарад, 27478 нафар шаҳид шуданд ва 66835 нафар низ маҷрӯҳ шудаанд. Наздик ба 7000 нафар низ ҳамчунон мафқуд ва зери овор ҳастанд. Ба иборати дигар дар ин ҷанг, бидуни эҳтисоб шумори мафқудин, рӯзона ба таври миёнгин 225 нафар шаҳид ва 542 нафар низ маҷрӯҳ шудаанд. Ин омор мисдоқи бориз ва ошкори наслкушии режими саҳюнистӣ дар Борикаи Ғазза аст.
Бо вуҷуди ин ҷиноят, аммо, кишварҳои исломӣ токунун иқдоми ҷиддӣ барои мутаваққиф кардани ҷинояти режими саҳюнистӣ анҷом надодаанд ва ҳамин инфиол низ омили муҳимме дар тадовуми ин наслкушӣ дар Ғазза аст. Дар сояи сукут ва инфиоли давлатҳои исломӣ дар қиболи ин ҷанг, Раҳбари муаззам Инқилоби Исломӣ дар суханони имрӯзи худ аз миллатҳои мусулмон хостанд, ки давлатҳои худро барои зарбаи қотеъ ба режими саҳюнистӣ таҳти фишор қарор диҳанд. Дар воқеъ, ин изҳори назари Раҳбари муаззами инқилоб баёнгар интиқоди эшон аз рӯйкарди давлатҳои исломӣ дар қиболи ҷиноят дар Ғазза буд. Дар ҳамин росто, ҳазрати оятуллоҳ Хоманаӣ бо таъкид бар инки миллатҳо тавони ба хатт кардани давлатҳо ва водор кардани онҳо ба қатъи ҳимоят ва пуштибонӣ аз режими саҳюнистиро доранд, гуфтанд: Бо вуҷуди инки ин режими золим ва гургсифат ингуна ба ҷони зану кӯдак ва бемор афтода ва бисту чанд ҳазор нафарро ба қатл расондааст, аммо бархе кишварҳои исломӣ боз ҳам ба он кумаки иқтисодӣ мекунанд ва ҳатто шунида мешавад, баъзе аз онҳо силоҳ ҳам ба режими саҳюнистӣ медиҳанд.
Миллатҳои исломӣ токунун борҳо бо баргузории тазоҳурот, хостори таваққуфи ҷинояти режими саҳюнистӣ алайҳи Ғазза ва ҳамчунин ҳимояти кишварҳои исломӣ аз мардуми Ғазза шуданд. Роҳпаймоии миллионии мардуми Яман, ки борҳо дар 4 моҳи гузашта баргузор шуд, аз ҷумлаи ин иқдомҳо аст. Бо ин ҳол, роҳпаймоиҳо сабаби зарбаи қотеъ ба режими саҳюнистӣ ва таҳти фишор қарор гирифтан ин режим барои таваққуфи ҷиноят алайҳ Ғазза нашуд. Мақоми муаззами Раҳбарӣ дар суханони худ манзур аз зарбаи қотеъро «қатъи равобити иқтисодӣ»-и кишварҳои исломӣ бо режими саҳюнистӣ унвон карданд. Ин режим ҳини ҷанги Ғазза нишон дод, ки пошна ошили он, масоили иқтисодӣ аст, зеро зимни инки ҷанг ҳазинаи зиёде дорад, қатъи равобити иқтисодии кишварҳои исломӣ низ метавонад сабаби фишор бар мардум дар арози ишғолӣ ва дар натиҷа шиддат гирифтани тазоҳуроти мардумӣ барои поён додан ба ҷанги алайҳи Ғазза шавад.
