Эрон дар масири ҷаҳиши тиҷорӣ; маҳсулоти эронӣ дар бозори 180 миллионнафарии АвруОсиё

Порс-Тудей. Бо оғози тиҷорати озоди Эрон ва кишварҳои узви Иттиҳоди иқтисодии АвруОсиё, тиҷорати Эрон дар масири ҷаҳиш қарор мегирад.

Иттиҳоди иқтисодии АвруОсиё, ки шомили кишварҳои Русия, Қазоқистон, Беларус, Арманистон ва Қирғизистон аст, дар соли 2015 мелодӣ бо ҳадафи тасҳили ҳамкориҳои иқтисодиву тиҷорӣ миёни аъзо таъсис шуд.

Ба гузориши “Порс-Тудей”, ба нақл аз хабаргузории “Форс”, Эрон дар соли 1398 шамсӣ (2019 мелодӣ) як мувофиқатномаи тиҷорати тарҷеҳӣ бо ин иттиҳодия имзо кард, ки коҳиши таърифаҳои гумрукӣ бар бархе колоҳоро дар бар дошт. Ин тавофуқнома заминасози густариши равобити тиҷорӣ шуд ва дар ниҳоят дар даймоҳи 1401 шамсӣ Эрон ва Иттиҳоди АвруОсиё Тавофуқномаи тиҷорати озодро имзо карданд. Иҷрои ин тавофуқнома аз 25 урдибиҳишти 1404-и шамсӣ оғоз мешавад. Дар қолаби ин тавофуқнома 87 дарсад аз кодҳои таърифаӣ миёни Эрон ва панҷ кишвари узви ин иттиҳодия коҳиш меёбад.

Бо иҷрои ин тавофуқнома Эрон вориди мубодилаи тиҷории озод бо панҷ кишвари узви Иттиҳоди иқтисодии АвруОсиё: Русия, Қазоқистон, Беларус, Арманистон ва Қирғизистон мешавад. Ин кишварҳо дар ҳавзаҳое монанди энержӣ, ғаллот, маводи ғизоӣ, филизот, мошинолоту маҳсулоти кишоварзии дорои мазияти нисбӣ ҳастанд ва метавонанд шуракои муассире барои Эрон дар мубодилоти коло бошанд.

Ба гуфтаи Алиризо Паймони Пок, раиси собиқи Созмони Тавсеаи Тиҷорати Эрон Тавофуқномаи тиҷорати озод бо АвруОсиё як фурсати беназир барои бозтаърифи мавқеияти тиҷории Эрон дар минтақа аст. Бо тавваҷуҳ ба таҳримҳову маҳдудиятҳои суннатӣ, бозори 180 миллионии АвруОсиё метавонад ба унвони яке аз амнтарину босуботтарин мақосиди содиротӣ барои тавлидкунандагони эронӣ амал кунад.

Нуқоти қуввати Тавофуқномаи тиҷорати озоди Эрону АвруОсиё

Коҳиши таърифаҳо: бо ҳазф ё коҳиши тадриҷии таърифаҳои гумрукӣ, ҳазинаи мубодилаи коло барои содиркунандагону воридкунандагон коҳиш меёбад.

Танаввуъбахшӣ ба бозорҳои содиротӣ: Эрон бо баҳрагирӣ аз бозори 180 миллионнафарии Иттиҳоди АвруОсиё метавонад вобастагӣ ба чанд бозори суннатии худро коҳиш диҳад.

Рушди содироти ғайринафтӣ: ин тавофуқнома фурсате барои афзоиши содироти колоҳои саноатӣ, кишоварзӣ ва маъдании Эрон аст.

Тақвияти равобити геополитикӣ: ҳамкории иқтисодӣ метавонад ба таъмиқи равобити сиёсиву стратегӣ бо кишварҳои минтақаӣ мунҷар шавад.

Истифода аз зарфиятҳои ҳамлунақли минтақаӣ: масирҳои транзитӣ аз Эрон ба АвруОсиё (монанди каридори Шимол–Ҷануб) фаъолтар хоҳад шуд.

Асароти Тавофуқномаи тиҷорати озод бо АвруОсиё бар тиҷорати Эрон

Афзоиши ҳаҷми тиҷорати дуҷониба: баровардҳо нишон медиҳад, бо иҷрои ин тавофуқнома, ҳаҷми тиҷорати Эрон бо Иттиҳоди АвруОсиё метавонад ба беш аз 12 миллиард доллар дар сол афзоиш ёбад.

Коҳиши асари таҳримҳо: густариши тиҷорат бо кишварҳои ғайридолларӣ ва ҳамсӯ бо Эрон метавонад асари таҳримҳои Ғарбро то ҳадде коҳиш диҳад.

Афзоиши ангезаи сармоягузории дохилӣ: тавлидкунандагони дохилӣ бо дастрасӣ ба бозорҳои ҷадид, ангезаи бештаре барои афзоиши кайфият ва тавлид хоҳанд дошт.