Намоишгоҳи китоби Теҳрон; Яман бо таърих ва муқовиматаш ба Эрон омад
Порс Тудей - Масъули ғурфаи Яман дар Намоишгоҳи байналмилалии китоби Теҳрон гуфт: Эрону Яман муштаракоти таърихӣ ва мазҳабии фаровон доранд.
Абдурраҳмони Роҷеҳ, масъули ғурфаи Яман дар Намоишгоҳи байналмилалии китоби Теҳрон рӯзи якшанбе гуфт: Яман дар шеъри шоирони эронӣ ва дар зарбулмасалҳои форсӣ ҳузур дорад, ки ин нишондиҳандаи умқи равобити таърихӣ, исломӣ, динӣ ва фарҳангӣ байни ду миллат аст.
Ба гузориши Порс Тудей, Абдурраҳмони Роҷеҳ дар бораи осори мусбати ин рӯйдоди фарҳангӣ дар ростои ошноии ҳарчӣ беҳтару бештари мардуми ду кишвар аз зарфиятҳои якдигар изҳор дошт: Талоши мо дар вазорати фарҳанг, сафорати Яман ва яманиҳои муқими Эрон ин аст, ки мардуми Эронро бо Яман, таърихи Яману ончӣ дар Яман рух медиҳад, ошно кунем ва Худоро шукр истиқболи хеле густардае доштем.
Вай афзуд, Яману Эрон иртиботи фарҳангии бузурге доранд ва дар мавзӯи муҳаббати аҳли байт, бо мардуми азизи Эрон иштирокоти зиёде дорем. Мардум ба ғурфаи мо меоянд ва ба мо муҳаббат нишон медиҳанд ва дар бораи муқовимат, саид Абдулмалик Ал Ҳавсӣ ва ҳимоят аз мардуми Ғазза суҳбат мекунанд.
36-умин Намоишгоҳи байналмилалии китоби Теҳрон аз 17 то 27 урдибиҳиштмоҳи 1404 бо шиори «бихонем барои Эрон» дар маҳали Мусаллои имом Хумайнӣ (раҳ.) Теҳрон дар ҳоли баргузорӣ аст.
