Таъкиди Зариф бар таваққуфи ҷангафрӯзӣ ва талош барои эҷоди субот дар минтақа
Вазири хориҷаи ҷумҳурии исломии Эрон гуфт: Бархе кишварҳои минтақа ба ҷои ҷангафрӯзӣ беҳтар аст, барои сулҳу субот талош кунанд.
Муҳаммадҷаводи Зариф пас аз Нишасти сеҷонибаи вазирони хориҷаи кишварҳои зомини оташбаси Сурия дар шаҳри Анталия афзуд: Ин нишаст натоиҷи муфиде, барои дастовардҳои раванди Остонаи пойтахти Қазоқистон бо ҳадафи муқобила бо терроризм ва бозгашти оромишу субот дар Сурия хоҳад дошт .
Вазири хориҷаи Эрон, бо баёни инки агар кишварҳои минтақа ба ин натиҷа барисанд, ки ба ҷои сиёсатҳои ғалат ба ҳамкорӣ рӯй биоваранд, шоҳиди натоиҷи муваффақиятомезе хоҳанд буд, хотирнишон кард: Мутаассифона кишварҳое монанди Арабистон бештар ба дунболи тафриқаву ихтилофафканӣ ҳастанд ва ба ҳамин далел натиҷае ба ҷуз ихтилоф намебинанд .
Зариф тасреҳ кард: Дар сурате, ки Арабистон равиши худро иваз кунад, он кишвар ҳам метавонад ба ҷои ҷангафрӯзӣ дар сулҳи минтақа шарик бошад .
Вазири хориҷаи Эрон ҳамчунин пеш аз оғози Нишасти сеҷонибаи кишварҳои зомини оташбас дар Сурия бо Сергей Лавров, вазири умури хориҷаи Русия дидор ва дар бораи охирин таҳаввулоти Сурия ройзанӣ кард .
Нишасти вазирони хориҷаи Эрон, Русия ва Туркия, кишварҳои зомини оташбас дар Сурия, рӯзи якшанбе бо ҳадафи ройзанӣ дар бораи буҳрони Сурия дар шаҳри Анталия, ҷануби Туркия баргузор шуд .
