Маҳкум кардани эъдоми 37 шаҳрванди арабистонӣ тавассути имом ҷумъаҳои аҳли суннати Эрон
Аъзои Шурои рӯҳоният, Ҳайъати фатво ва имомони ҷумъаҳои шаҳрҳо ва рӯстоҳои аҳли суннати устони Бушеҳр, ҷануби Эрон, иқдоми оли Сауд дар эъдоми 37 шаҳрванди арабистониро маҳкум карданд.
Ба гузориши ИРНО, аъзои Шурои рӯҳоният, Ҳайъати фатво,имом ҷумъаҳои шаҳрҳо ва рӯстоҳи аҳли суннати устони Бушеҳри Эрон ҷумъашаб бо судури баёнияи муштарак эълом карданд; иқдоми нобахирадона ва ғайри шаръии оли Сауд дар қатл ва куштор ва эъдоми баноҳаққи 37 шаҳрванди арабистонӣ, баёнгари ин ҳақиқат аст, ки мақомоти саудӣ ҳеҷ арзише ба зиндагии инсонҳо қоил нестанд.
Аъзои Шурои рӯҳоният, Ҳайъати фатво, имом ҷумъаҳои шаҳрҳо ва рӯстоҳои аҳли суннати устони Бушеҳри Эрон бо баёни ин, ки Режими Саҳюнистӣ ва Амрико шарики аслии оли Сауд дар ин ҷиноятҳо ҳастанд, аз ҷомеъаи байналмиллалӣ, баррасӣ ва расидагӣ ба ин амрро хостор шуданд.
Вазорати умури кишвари Арабистон рӯзи сешанбе аз эъдоми 37 нафар аз шаҳрвандони ин кишвар ба унвони ончи, ки иттиҳоми террористӣ ва иртибот бо терроризм хонд, хабар дод.
Давлати Саудӣ ҳар сола шумори зиёде аз мухолифони оли Саудро бо ҳадафи муқобила бо озодии баён ва ба баҳонаи мубориза бо терроризм ба муҷозотҳои сангин ва эъдом маҳкум мекунад.
Тибқи гузориши Созмони афви байналмиллал, дар соли 2018 дар Арабистони Саудӣ 149 нафар эъдом шуданд.
Арабистони Саудӣ танҳо кишвар дар ҷаҳон аст, ки аҳкоми маргро бо гардан задан иҷро мекунад.
