Таъкид бар густариши равобиту ҳамкориҳои Теҳрону Боку
Раисҷумҳурҳои Эрону Озарбойҷон бар густариши равобиту ҳамкориҳои Теҳрону Боку ва тасреъ дар иҷрои тавофуқҳо таъкид карданд.
Ба гузориши ИРНА, оқои Рӯҳонӣ дар тамоси телефонӣ бо Илҳом Алиев, раисҷумҳури Озарбойҷон бо табрики мутақобили Иди саиди Қурбон ба давлату миллати Ҷумҳурии Озарбойҷон изҳор дошт: “Хушбахтона, шоҳиди раванди пешрафти мусбат дар ҳамкориҳо бо талоши масъулони ду кишвар ҳастем”.
Раисҷумҳури Эрон равобити ин ду кишварро дӯстона, бардорона ва рӯ ба густариш дониста, бар зарурати талоши масъулони ду кишвар дар ростои тавсеаи муносиботу ҳамкориҳои ҳамаҷонибаи Теҳрону Боку таъкид кард. Вай сафари мутақобили масъулону вузарои Эрону Ҷумҳурии Озарбойҷон ба ин ду кишварро дорои натоиҷи таъсиргузор дар тавсеаи равобиту ҳамкориҳо бар шумурд ва ибрози умедворӣ кард, ки бо талоши бештари масъулон шоҳиди тасреъ дар ба самар расидани тавофуқу ҳамкориҳои мутақобили бошем. Оқои Рӯҳонӣ хотирнишон кард, Ҷумҳурии Озарбойҷон ҳамвора кишвари дӯст ва бародари Эрон будааст ва мутмаиннан ин дӯстӣ ва бародарии миёни ду миллат беш аз пеш густариш хоҳад ёфт. Илҳом Алиев низ дар ин тамоси телефонӣ бо табрики Иди саиди Қурбон ба давлату миллати Эрон гуфт, равобиту ҳамкориҳои Эрону Ҷумҳурии Озарбойҷон рӯ ба тавсеа ва ин самараи талош, эҳтимом, равобити мустамар ва самимонаи масъулон дар Теҳрону Боку аст.
Раисҷумҳури Озарбойҷон бо ибрози умедворӣ барои дидор бо оқои Рӯҳонӣ дар ояндаи наздик изҳор дошт, мутмаиннан равобити ду кишвар беҳтар аз гузашта ва рӯ ба тавсеа хоҳад буд.
