Сифати олии ваксинаи коронаии эронии " Нуро "

Мудири тарҳи ваксинаи Нуро таъкид кард: Меъёрҳои сахтгирона барои тавлиди ваксина доштем.

Ба гузориши радиои тоҷикии Садои Хуросон ба нақл аз хабаргузории Эрон пресс, Ҳасани Абулқосимӣ-раиси донишгоҳи Бақиятуллоҳи Теҳрон ва мудири тарҳи ваксинаи Нуро рӯзи якшанбе дар ойини рӯнамоӣ аз ваксинаи навтаркиби донишгоҳи Бақиятуллоҳ ( аҷ ) ва оғози раванди корозмоии болинии ваксина " Нуро " дар бемористони Бақиятуллоҳи Теҳрон гуфт : Ваксина намоди яке аз чандин доруҳои бологии тавлидшуда дар Эрон аст .

Абулқосимӣ афзуд : Бар хилофи Амрико  Эрони дастовардҳои худро махфӣ намекунад ва иттилооти илмии худро мунташир мекунад ва ин амр муваффақияти донишмандони эрониро исбот мекунад .
Раиси донишгоҳи Бақиятуллоҳи Теҳрон ҳамчунин гуфт : Дар таи  мароҳили тавлиди ваксинаи Нуро бо инки стандартҳо мушкилтар мешуд, муҷаввизҳои лозим аз вазорати беҳдошти Эрон дарёфт шуд .
Мудири тарҳи ваксинаи Нуро таъкид кард: Нуро ваксинаи навтаркиб ва протеинӣ аст, ки зарари кам ва таъсири зиёде дорад .

Сардори сарлашкар Ҳусайни Саломӣ-фармондеҳи кулли Сипоҳи посдорони инқилоби исломӣ ва Саиди Намакӣ-вазири беҳдошт, дармон ва омӯзиши пизишкии Эрон ба ҳамроҳи дигар мудирони вазорати беҳдошт дар ойини рӯнамоӣ аз " ваксинаи Нуро " ҳузур доштанд .

Бештар бихонед :

• 5 ваксинаи эронӣ дар феҳристи номзадҳои ваксинаи Ковид -19 –и Созмони Ҷаҳонии Беҳдошт

• Эъломи феҳристи харидорони ваксинаи русии корона; номи Тоҷикистон нест

• Бозтоби тазриқи ваксинаи эронӣ ба Раҳбари Инқилоб дар шабакаҳои хабарии дунё