Беасар будани антибиотикҳо дар дармони бемории корона
Мутахассиси дорусозӣ гуфт: Корона бемории вирусӣ аст ва антибиотикҳо асаре бар уфунатҳои вирусӣ надоранд.
Дуктур Алиризо Ороста афзуд: Антибиотикҳо доруҳое ҳастанд, ки ба беморон барои муқобила бо уфунатҳое, ки омили бактерияӣ доранд, бо куштан ё таваққуфи рушди бактерияҳо, кумак мекунанд.
Вай изҳор жошт: Аломатҳои маълуми Ковид -19 ё коронавирус шомили таб, хушкии гулӯ ва хастагӣ аст.
Вай идома дод: Албатта, илова бар ин аломатҳо, алоими дигаре монанди аз даст додани ҳисси чашоӣ ва бӯёӣ, дарунравӣ, эҳсоси дилбеҳузурӣ ва истифроғ, саргиҷа ва сардард, дарди азулонӣ (мушакҳо) ё муфсалӣ (устухон) низ дар беморон дида шудааст.
Мутахассиси дорусозӣ афзуд: Контроли алоим яке аз муассиртарин роҳҳои дармони корона аст.
Вай гуфт: Масрафи доруи таббар ва витамини С, нӯшидани мойеот ва истироҳат аз муҳимтарин иқдомот барои дармони бемори коронаӣ аст.
Ороста мегӯяд: Дармонҳои хонагӣ вазъияти бемориро бадтар мекунад, чун замони тиллоии дармон ва тақвияти бадан, ки ҳамон ҳафтаи аввал аст, аз даст меравад.
Мутахассиси дорусозӣ афзуд: Ба ҳамин далел аст, ки омори беморони бадҳоли коронаӣ дар ҳоли афзоиш аст ва маргу мирҳо ҳам раванди афзоишӣ дорад.
Вай афзуд: Доруҳои зидди вирусие монанди Фовипировир ва ремдисивир ҳам дар мавориде, ки бемор вориди марҳалаи ҳоди корона мешавад, бо назари пизишк бояд масраф шавад.
Дуктур Ороста идома дод: Ҳамчунон риояти шеваномаҳои беҳдоштӣ монанди шустушӯи дастҳо, риояти фосилаи иҷтимоӣ ва истифода аз ниқоб беҳтарин роҳ барои пешгирӣ аз ибтило ба бемории корона аст.
Вай ба шаҳрвандон тавсия кард: Дар сурати мушоҳидаи ҳар гуна аломат, ҳатто бидуни доштани тангии нафас ҳам бояд ба пизишк ё марокизи дармонӣ муроҷиа ва аз худдармонӣ барои пешгирӣ ё дармони корона парҳез кунанд.
Бештар бихонед:
- Ҳимояти раиси ҷумҳурии мунтахаби Эрон аз тавлиди ваксинаи корона
- Зарурати ваксинатсия барои қатъи занҷираи корона