Амирабдуллоҳиён дар иҷлоси ЭКО : Масири дуруст, тамаркуз бар дипломосӣ, таъомули созанда ва ақлоният аст
Вазири умӯри хориҷаи Эрон дар бисту шашумин иҷлоси вузарои хориҷаи Эко масири дурустро тамаркуз бар дипломосӣ, таъомули созанда ва ақлоният унвон кард .
Ба гузориши радиои тоҷикии Садои Хуросон ба нақл аз ИРНА, Ҳусайни Амирабдуллоҳиён-вазири умӯри хориҷаи Эрон дар ин нишаст судӯри қатъномаи мудохилаҷӯёнаву номутаъорифи порлумони Аврупоро маҳкӯм кард ва гуфт: Бетардид табаъоти манфии чунин рафторҳои эҳсосӣ барои Аврупо ҳазиназо аст, бинобарин масири дуруст тамаркуз бар дипломосӣ, таъомули созанда ва ақлоният аст .
Амирабдуллоҳиён ҳамчунин рафтори иҳонатомез нисбат ба муқаддасоти адёни илоҳӣ ба вижа иҳонат ба соҳати муқаддаси Қуръони Кариму ҳимояти давлатҳои ғарбӣ аз он таҳти унвони озодии баёнро ба ҳеҷ ваҷҳ қобили қабӯл надонист ва онро маҳкӯм кард .
Вазири умӯри хориҷаи Эрон бо ибрози хурсандӣ аз ҳузур дар нишасти Шӯрои вазирони ЭКО изҳор кард: Се даҳа аз талоши 10 кишвар барои ҳамгаройии минтақаӣ дар ин паҳнаи торихӣ ва тамаддунӣ гузаштааст ва бистарҳои арзишманде барои ҳамкории минтақаӣ шакл гирифтааст; ҳарчанд камокон фосилаи қобили таваҷҷӯҳе миёни дастовардҳову зарфиятҳои воқеии минтақаи ЭКО ба чашм мехурад .
Амирабдуллоҳиён бо баёни инки ЭКО бояд иртиқодиҳандаи тиҷорати дарунминтақаӣ байни аъзо бошад ,афзуд:Ҳамаи аъзо аз шурӯи музокирот барои озодсозии тиҷорӣ дар сатҳи минтақа ҳимоят ва дар он мушорикат кунанд.
Вазири умӯри хориҷаи Эрон дар идома ба мавзӯи энержӣ ва аҳамияти он дар ҷаҳон ишора кард ва гуфт: Буҳрони амнияти энержии ҷорӣ дар ҷаҳону минтақа ба вузӯҳ осебпазирии кишварҳои масрафкунандаи энержӣ нисбат ба шокҳои ғайримунтазираро аён сохт ва минтақаи ЭКО метавонад ба улгӯе аз мушорикати байни кишварҳои тавлидкунанда ва кишварҳои масрафкунандаи энержӣ табдил шавад .
Вазири умӯри хориҷаи Эрон ҳамчунин бо ишора ба мавзӯи Афғонистон ва бо таъкид бар инки ин кишвар як узви бисёр муҳиму бахше аз хонаводаи бузурги ЭКО аст, гуфт: Бетардид эҷоди як давлати фарогир дар Афғонистон на танҳо метавонад ба барномаҳои кумакрасонӣ ва низ бозсозии кишвар ёрӣ расонад, балки таҳдидҳои бархоста аз амалиёти террористӣ, оворагон ва қочоқи маводи мухаддир барои минтақаро коҳиш хоҳад дод.
