Ҳамкорӣ бо Маскав, яке аз авлавиятҳои сиёсати хориҷии Қазоқистон
Вазирони хориҷаи Қазоқистон ва Русия дар Нурсултон бо якдигар дидор ва сипас дар нишасти матбуотӣ ширкат карданд.
Мухтор Тулиберди-вазири умури хориҷаи Қазоқистон ва Сергей Лавров-вазири умури хориҷаи Русия дар Нурсултон дидор ва сипас дар нишасти матбуотӣ ширкат карданд.
Ба гузориши Садои Хуросон ба нақл аз Форс , вазири умури хориҷаи Қазоқистон дар ибтидои ин нишаст аз мавзеъи созандаи тарафи русӣ зимни баррасӣ ва ҳаллу фасли масоили муҳимми равобити дуҷониба қадрдонӣ кард.
Вай музокироти худ бо вазири умури хориҷаи Русияро пурмуҳтаво ва муассир унвон ва гуфт: Дар ин дидор бахши васеъе аз масоил аз ҷумла вазъияти кунунӣ ва дурнмои равобити 2 кишвар дар заминаҳои сиёсӣ, тиҷорӣ, иқтисодӣ, фарҳангӣ ва инсонӣ баррасӣ ва дар мавриди қисми густурдае аз мавзӯъоти дастури кори байналмиллалӣ табодули назар сурат гирифт.
Тулиберди афзуд: Мо ҳамчунин дар мавриди ҷанбаҳои мухталифи таъмини суботу амният дар Осиёи марказӣ, Украина ва Ховари миёна, таомулоти 2 кишвар дар чорчуби созмонҳои байналмиллалӣ баҳсу табодули назар кардем.
Бинобар суҳбатҳои вазири хориҷаи Қазоқистон, дар ин дидор барномаҳои ояндаи рӯйдодҳои байналмиллалӣ дар сатҳҳои олӣ мавриди таваҷҷуҳи вежаи тарафҳо қарор гирифт.
Вай афзуд: Бо таваҷҷуҳ ба нақши муҳимми ҳамкориҳои марзӣ миёни 2 кишвар, ки ҳудуди 70 дарсад тиҷорати дуҷониба бо он муртабит аст, раванди омодагӣ барои шонздаҳумин ҳамоиши ҳамкориҳои байниминтақаии Қазоқистон ва Русия, ки қарор аст 7 ноябри соли ҷорӣ дар Русия баргузор шавад, ба таври комил мурур шуд.
Тулиберди дар бахши дигаре аз суҳбат гуфт:
Сафари вазири умури хориҷаи Русия ба Қазоқистон имкони мушоҳидаи самароти талошҳои зиёди ниҳодҳои дипломатии 2 кишвар дар заминаи тақвият ва густариши бештари ҳамкориҳои тиҷорӣ, иқтисодӣ, фарҳангӣ ва инсонӣ миёни 2 кишварро фароҳам кард.
Вазири умури хориҷаи Русия дар навбати худ аз тарафи қазоқ барои музокирот, меҳмоннавозӣ ва фазои дӯстонае, ки ҳамвора миёни Русия ва Қазоқистон ба унвони 2 шарики стратегӣ ва муттафиқин вуҷуд дорад, тақдир кард.
Вай гуфт: Дар маҷмӯъ мо аз натиҷаи музокироти имрӯза бисёр розӣ буда ва тамосҳои кории худро ҳамчунон ҳифз хоҳем кард.
Лавров дар поён ҳамчунин аз ҳамтои қазоқи худ барои сафар ба Федератсияи Русия даъват кард