Толибон : Афғонистон таҳдиде барои дигар кишварҳо нест

Сухангӯи гурӯҳи Толибон Афғонистонро таҳдиде барои дигар кишварҳо надонист .

 Муҳаммаднаим Вардак, ки дар Давҳа- пойтахти Қатар ба сар мебарад дар гуфтугӯи ихтисосӣ бо шабакаи телевизиюнии Алҷазира таъкид кард,ки итминон медиҳад қаламрави Афғонистони ҷое барои таҳдиди афрод ё гурӯҳҳо алайҳи амнияти кишварҳои дигар набошад .
Сухангӯии гурӯҳи Толибон афзуд,ки ин гурӯҳ мехоҳад низоми исломии мустақил дар Афғонистон ташкил диҳад, то битавонад ба ниёзҳои мардуми ин кишвар посух диҳад ва дар хизмати мардум бошад .
Муҳаммаднаим хотирнишон кард: Ончӣ дар Афғонистон дар паи онем амнияти ин кишвар аст; мехоҳем аз имрӯз ба баъд Афғонистон амн бошад ва мардум зиндагии муҳтарамона ва ороме дошта бошанд .
Аъзои гурӯҳи Толибон ҳамакнун дар Кобул ( пойтахти Афғонистон ) ба сар мебаранд ва  Муҳаммад Ашрафғанӣ-раиси ҷумҳурии ин кишвар аз Афғонистон фирор кард .
Аъзои гурӯҳи Толибон ҳамакнун бар тамоми Афғонистон, ба ҷуз устонҳои Парвон ва Панҷшер мусаллат ҳастанд .